Insectívoru

Llámase insectívoru o entomófagu a cualquier organismu depredador d'inseutos.

Magar los inseutos son pequeños el so númberu total ye tan grande que constitúin una parte bien considerable de la biomasa animal en tolos ambientes terrestres. Nos pacionales de Queensland, por casu, de normal el pesu total de les llarves d'escarabayos so la superficie de la tierra ye mayor que'l del ganáu que pastia sobre la superficie. Por consiguiente los inseutos constitúin un eslabón de gran importancia na cadena alimentaria y desempeñen un papel fundamental en casi tolos ecosistemes terrestres.

Munchos animales dependen de los inseutos como parte fundamental de la so dieta. Tamién hai munchos otros que, magar tienen una dieta más variada y por consiguiente nun son consideraos insectívoros, suplementen la so dieta en forma significativa con proteína animal proveniente de los inseutos, especialmente mientres la dómina de la cría.

Referencies

Enllaces esternos