Jon Azpillaga
| Jon Azpillaga | |
|---|---|
 Jon Azpillaga 1975ean | |
| Bizitza | |
| Jaiotza | Pasaia, 1935eko azaroaren 26a |
| Herrialdea |  Gipuzkoa, Euskal Herria |
| Bizilekua | Pasaia Berriatua Mutriku |
| Heriotza | Mutriku, 2017ko otsailaren 2a (81 urte) |
| Hezkuntza | |
| Hizkuntzak | euskara gaztelania |
| Jarduerak | |
| Jarduerak | bertsolaria |
Parte-hartzailea
| |
| Ahots mota | tenorra |
Jon Azpillaga Urrutia (Pasai San Pedro, 1935eko azaroaren 26a - Mutriku, 2017ko otsailaren 2a[1]) gipuzkoar bertsolari eta bertso-eskolako irakaslea izan zen.
Bizitza
[aldatu | aldatu iturburu kodea]Jon Azpillaga Pasaian jaio bazen ere, aita, Juan Azpillaga ondarrutarra zen, eta ama, Beronika Urrutia, Berriatukoa. Jonek urte eta erdi zituenenan, aita hil zen gerran. Orduan, ama, haurdun, eta semea Berriatura joan ziren bizitzera. Hamasei urterekin hasi zen lanean, Ondarruko lantegi batean. Soldadutzatik itzuli zenean, ama eta bi semeak Ondarrura aldatu ziren. Bertan egiten zuen bizitza eta, besteak beste, orfeoian kantatzen zuen. 1960an, Mutrikura ezkondu zen, Maria Arrizabalagarekin; bi seme-alaba izan zituzten. 1993an, angioplastia bat egin zioten eta, osasun arazoak zirela-eta, adina baino lehen erretiratu zen.[2]
Etxe berean bizi zen osabari esker bertsozaleturik, Santa eskean hasi zen lehen koplak kantatzen. Lehenengo plaza Amoroton egin zuen, Jon Mugartegi lagun zuela, 1950ean. Handik aurrera saio ugari egin zituzten biek inguruko herri eta auzoetan.[2] Bertsokera garbia eta erraza zuen; patxadako erritmoan, seriotasun naturalez, ideiak eta kondairak bortxatu gabe ematen zituen. 1970eko hamarkadan, Jon Lopategirekin bikote eginda, plazaz plaza aritu zen, bertsolaritzaren ikuspegi politiko eta sozial berria emanaz. Txapelketa Nagusietan finalista izan zen lau aldiz, eta Bizkaiko txapelduna izan zen 1961ean.[3]
Txapelketak
[aldatu | aldatu iturburu kodea]- Bertsolari Txapelketa Nagusia:
- Hirugarrena (1): 1980.
- Finalista (4): 1960, 1962, 1980, 1982.
- Bizkaiko Bertsolari Txapelketa:
- Txapelduna (1):1961.
- Bigarrena (3): 1959, 1960, 1962.
- Hirugarrena (1): 1963.
Sariak
[aldatu | aldatu iturburu kodea]- Loiolako Herri Irratia saria (2): 1963, 1965
Erreferentziak
[aldatu | aldatu iturburu kodea]- ↑ Jon Azpillaga bertsolaria zendu da, 81 urterekin
- ↑ a b Ibarluzea Santisteban, Miren. Jon Azpillaga Urrutia. Auñamendi Eusko Entziklopedia, euskomedia.org (Noiz kontsultatua: 2017-2-10).
- ↑ Gaztelumendi, Unai eta Beñat. (2017). «Aurreak erakusten du atzeak nola kantatu (Jon Azpillagaren karikatura)» Gaztezulo (Noiz kontsultatua: 2022-02-20).
Kanpo estekak
[aldatu | aldatu iturburu kodea]- Bertsozale.com: Jon Azpillaga
- Jon Azpillagaren karikatura «Aurreak erakusten du atzeak nola kantatu » Gaztelumendi, Unai eta Beñat. (Gaztezulo, 2017)
