Lei fonetica

Una lei fonetica ye como se conoixen cualques fenomenos sistematicos de cambio fonetico, que pueden ocurrir mientres o desembolique d'una luenga. Asinas bella consonant y/u vocal se transforma en atras siguindo unas ciertas normas. Por eixemplo isto se reflecta en l'alternancia entre o baixo alemán y l'anglés water y l'alemán stándard Wasser, o baixo alemán eten u eaten y l'anglés eat y l'alemán stándard essen, a on que se i puet veyer una mutación consonantica en l'alemán stándard.

As leis foneticas se pueden observar en a historia de muitas luengas. Se presentan en conchuntos, podendo dimpués permaneixer sin variacions mientres sieglos. Sobre qué ye lo que puet prevocar istos cambios tan profundos en o sistema fonetico d'una luenga no bi ha garra consenso.

En a historia d'a luenga alemana o termin "lei fonetica" se fa servir principalment ta dos cambios consonanticos prou parellans, pasando d'o indoeuropeu a las luengas chermanicas y dimpués a l'alemán, a traviés d'a primera mutación consonantica y posteriorment a segunda mutación consonantica.

Atro cambio important en o sonito, en iste caso un cambio vocalico, marca a transición entre l'alto alemán meyo y l'alemán moderno y por tanto ye una important diferencia entre a mayoría d'os dialectos d'o baixo alemán: a diftongación d'as vocals luengas.

En o desembolique historico d'as palabras presents en aragonés y atras luengas neolatinas "lei fonetica" se fa servir tamién ta os cambios que se producioron en a evolución dende o protoindoeuropeu enta o latín y atras luengas italicas, asinas como dende o latín enta l'aragonés, y que fan parte d'a fonetica aragonesa, (y analogament en as atras luengas neolatinas).

Bibliografía

• (de) Harald Wiese: Eine Zeitreise zu den Ursprüngen unserer Sprache. Wie die Indogermanistik unsere Wörter erklärt, Logos Verlag Berlin, 2007, ISBN 978-3832516017.

Se veiga tamién

• Primera mutación consonantica.
• Segunda mutación consonantica.

• Datos: Q13743995