Leopoldo Rubido
| Biografía | |
|---|---|
| Nacemento | 28 de maio de 1942  (82 anos)Cedeira, España |
 Alcalde de Cedeira | |
| 2011 – decembro de 2013 (dimisión) ← José Luis Vergara Rey – Luís Rubido Ramonde → | |
| Alcalde de Cedeira | |
| 2003 – 2007 – José Luis Vergara Rey → | |
| Alcalde de Cedeira | |
| 1973 – 1999 | |
| Actividade | |
| Ocupación | político, mestre |
| Familia | |
| Irmáns | Luís Rubido Ramonde Bieito Rubido |
Leopoldo Rubido Ramonde, nado en Cedeira o 28 de maio de 1942, é un profesor e político galego do PPdeG.
Traxectoria
[editar | editar a fonte]Graduado Social, é profesor de Ensinanza Media en excedencia. Foi nomeado alcalde de Cedeira en 1973, continuando no cargo ata as primeiras eleccións democráticas. En 1977 decidiu construír un monólito na honra de Franco, decisión que tivo unha forte contestación de parte dos veciños; finalmente o monólito foi inaugurado o 14 de maio por Gonzalo Fernández de la Mora[1]. Nas primeiras eleccións democráticas encabezou a candidatura de Coalición Democrática e foi elixido alcalde. Continuou como alcalde presentándose por Coalición Popular, Alianza Popular e PPdeG ata 1999. Tras unha paréntese de catro anos de goberno liderado polo BNG, Rubido volveu ser alcalde entre 2003 e 2007. En xuño de 2007 un pacto de goberno entre PSdeG-PSOE, BNG e TEGA fixo que tivese que abandonar a Alcaldía que pasou a mans do socialista José Luis Vergara. En 2011 volveu recuperar a alcaldía con maioría absoluta. A finais de 2013 anunciou a súa retirada como alcalde[2].
Leopoldo Rubido foi deputado provincial dende 1983. Foi senador pola provincia da Coruña na V e VI lexislaturas (1993-2000).
Recoñecementos
[editar | editar a fonte]En abril de 2016 o goberno de Mariano Rajoy concedeulle a encomenda de Afonso X O Sabio[3].
Vida persoal
[editar | editar a fonte]É irmán do xornalista Bieito Rubido e do político Luís Rubido, que o continuou na alcaldía entre 2013 e 2015.
| Predecesor: José Fernández Carro |
Alcalde de Cedeira 1973 - 1999 |
Sucesor: Xoán Xosé Rodríguez Pérez |
| Predecesor: Xoán Xosé Rodríguez Pérez |
Alcalde de Cedeira 2003 - 2007 |
Sucesor: José Luis Vergara Rey |
| Predecesor: José Luis Vergara Rey |
Alcalde de Cedeira 2011 - 2013 |
Sucesor: Luís Rubido |
Notas
[editar | editar a fonte]- ↑ Inaugurado un monumento a Franco en Cedeira ABC, 15-5-1977, p. 8.
- ↑ El regidor de Cedeira, Leopoldo Rubio, renuncia a su cargo tras 32 años de gobierno, La Voz de Galicia, 5/12/2013.
- ↑ El Gobierno otorga la encomienda de Alfonso X El Sabio a Leopoldo Rubido, exalcalde del PP hermano del director de ABC