Love Bombing
| Dialegd: Schbaimarisch |
Midd Love Bombing (Kompositum vum englische love und bombing, uff daitsch ‚Liebesbombardement‘) mändma ä Tagdigg, wu endwedda ä romondischi Umwerwung odda awwa ä meschlische psischischi Monibulazion unnän meschlische emozionale Missbrauch isch, wu om Ofong vunna Liebesb'ziehung bzw. baim Dating awwa a schbeda inna B'ziehung ogwond werd. De Love Bomber iwwaschidd soi ooda ihrn zukinfidische Partner(in), alla a des meschlische Obfa, midd verbala Vafiehrung, Komblimend, Schmaischelaije, Liebesb'kundunge, Zunaischunge, liebevolle unn zerdlische B'riehrunge, G'scheng'g, Vaschbreschunge fa die Zukunft, etc. Baide Person, wu midd Love Bombing iwwaschidd werd, konn des zum Gfiehl vun Liebe uffde erschde Bligg fiehre, alla dasse vor allem om Ofong vunde B'ziehung glawbd, dass do ebbes baidsaidisch emodionel indensives unn deswesche a bsondares bassierd.[1][2]
Umwerwung
[Schaffe | Om Gwelltegschd schaffe]Iwwermeßischi Ufmergsomkaid unn Zunaischung konn efach ä indensives Umwerwe vunna Person ohne Absischd fa Missbrauch soi. Nochm Dale Archer kummds druff o, was als negschdes bassierd. Wonn uffs werwe a Tade folschen isches nedd missbräuchlich.[2]
Missbrauch
[Schaffe | Om Gwelltegschd schaffe]Wonns inde Absischd vunna Monibulazion g'machd werd, alla vorg'daischd isch, vasuchd de Love Bomber die onna Person emozional on sisch zu binne unn so Kondroll unn Macht iwwase zu b'kumme. A indem Fall glawwen die b'droffene Persone om Ofong vunde B'ziehung, dass do ebbes baidsaidisch emodionel indensives unn deswesche bsondares bassierd, unn mergen nedd, dassse iwwa ihr Gfiehl monibulierd werren. Love Bomber hawwen haifisch narzissdische Ziesch unn vasuchen middm g'zielde uff- unn abwerde vunde onnare Person, se emozional vun sisch abhengisch zu mache, se zu vausischere unn zu kondrolliere.[1]
Gugschd a uff
[Schaffe | Om Gwelltegschd schaffe]Vawais
[Schaffe | Om Gwelltegschd schaffe]- ↑ 1,0 1,1 Love Bombing: „Liebe“ als Mittel der emotionalen Manipulation. In: beziehungsweise. 17. August 2017, abgerufen am 23. September 2024 (de-de).
- ↑ 2,0 2,1 Dale Archer, The manipulative partner's most devious tactic, Psychology Today, New York City, March 6, 2017