Rubio

Non confundir con Louro (pelo).

Para outras páxinas con títulos homónimos véxase: Rubio (homónimos).

Muller rubia, co pelo avermellado e a pel clara pola carencia de pigmento marrón.

O rubio/roibo ou roxo é unha cor de pelo un chisco alaranxada, entre castaño e amarelo, cun matiz vermello. Nalgúns tons destes pelos predomina o vermello, noutros o laranxa, noutros o cobrizo. Así mesmo, a pel dos individuos destas características capilares é a miúdo clara e ten unhas manchas tamén características, as pencas. Isto é debido a que carecen dun pigmento castaño, a eumelanina e á presenza maioritaria ou exclusiva de feomelanina, asociadas a unha distribución particular dos melanocitos e dos melanosomas na pel. Aproximadamente, entre un 1% e un 2% da poboación humana é rubia.

Os rubios na cultura popular galega

Galicia é unha das rexións do mundo onde abundan as persoas de pelo roxo ou rubio, aínda que en menor medida que en Escocia e Irlanda. Os refráns e ditos galegos sempre teñen unha actitude negativa cara estes individuos, considerándoos sinais de má sorte:

• Na aldeíña da Torre/ non entra un carro con toxo/ por causa dunha meniña/ que ten o peliño roxo
• Cando o río fose enriba/ e os carballos deren uvas/ han de ser homes de ben/ os homes de barbas rubias.

Véxase tamén

Bibliografía

• The Red Head Book (1985). Allen Sacharov.
• The Redhead Encyclopedia (1996). Stephen Douglas.
• The Ginger Survival Guide (2006). Tim Collins.
• Redheads (2000). Uwe Ditz.
• Roots of Desire: The Myth, Meaning and Sexual Power of Red Hair (2005). Marion Roach.
• The Redhead Handbook (2003). Cort Cass.
• I Have Red Hair (2009). Krobatsch, Jason.
• Box NF, Wyeth JR, O'Gorman LE, Martin NG, Sturm RA (1997). "Characterization of melanocyte stimulating hormone receptor variant alleles in twins with red hair". Hum. Mol. Genet. 6 (11): 1891–7. PMID 9302268. doi:10.1093/hmg/6.11.1891. 

Ligazóns externas

• Xenética do pelo roxo (en inglés)
• Ollos azuis e pelo rubio (en inglés)

Outros artigos

• Cor do pelo
• Louro
• Cabelo