Uni
(Weidagloadt vo Universitet)
A Uni oda Universitet (dt.: Universität) is a wissnschoftliche Buidungseihrichtung mid dem Zui, dasss Wissn produziad (Forschung), afbewohrd und weidagibt (Lehr). Da Zuagong zur Uni is moastns af de bschrenkt, de wos vorher an Obschluss vo ana hechan Schui griagt hom. Unis gibts in Eiropa seidn Hochmiddloita, de easchte wor de Uni vo Bologna im Joa 1088, de easchte im heiding boarischn Sprochraum wor de Uni vo Wean im Joa 1365. Owa eascht im 20. Joahundad is de Zoi vo de Studentn stoark augstieng, bsondas nochan Zwoatn Wödkriag. Heidzdogs siacht mas ois an großn wirdschafdlichn Stondortvorteu, wonn wo de Unis und as Hochschuisystem insgesomt guad funkzioniaan.