Akonityarpaqlı ampelopsis

Akonityarpaqlı ampelopsis
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Üzümçiçəklilər Fəsilə: Üzümkimilər ???: Akonityarpaqlı ampelopsis
Beynəlxalq elmi adı
Ampelopsis aconitifolia Bunge, 1833
Şəkil axtarışı ITIS   184732 NCBI   345092 EOL   466735

Ampelopsis aconitifolia (lat. Ampelopsis aconitifolia) — Şimali Çində yabanı halda bitən bitki.

Botaniki təsviri

Hündürlüyü 3 m olan lianadır. Yarpaqları əlvari, növbəli, uzun saplaqlı, sadə və ya mürəkkəbdir, 3–5 hissəyə bölünmüşdür. Çiçəkləri düz, beş, bəzən dörd hissəli, xırda, yaşılımtıldır, uzun saplaqlı salxımlara yığılmışdır. Giləmeyvələri xırda, ağ, açıq- bənövşəyi, narıncı və ya qırmızıdır. Mayda çiçəkləyir, meyvələri sentyabr-oktyabr aylarında yetişir. 2–3-cü il yavaş, sonralar isə tez böyüyür. Saçaqlı kök sistemi vardır. Dirəklərə bığcıqların köməkliyi ilə qalxır.

Ekologiyası

Soyuğa və quraqlığa davamlıdır. Suvarıldıqda yaxşı inkişaf edir.

Azərbaycanda yayılması

Respublikanın bəzi bölgələrində mədəni şəraitdə rast gəlinir.

İstifadəsi

Şaquli yaşıllaşdırmada geniş istifadə edilir.

İstinadlar

• Tofiq Məmmədov, "Azərbaycan dendroflorasi" V cild, Baki, "Elm", 2019, 370 səh.