У дзікай прыродзе расліна сустракаецца ў Аргенціне, паўднёвай Бразіліі і Уругваі[2][3]. Дэкаратыўна вырошчваецца па ўсяму свету, у тым ліку некалькі разнавіднасцяў сустракаюцца і ў Беларусі[4].
Апісанне
Portulaca grandiflora — гэта невялікая, але хуткарослая расліна вышынёй да 30 см. Тоўстае, ляжачае сцябло нясе падоўжанае лісце даўжынёй 2,5 см и кветкі дыяметрам 2,5-3 см з 5 пялёсткамі. Кветкі бываюць розных адценняў чырвонага, аранжавага, жоўтага, пурпурнага і белага колераў. У большасці гатункаў кветкі адкрыты толькі ў сонечныя дні.
Вырошчванне
Мноства культурных форм было выведзена, каб атрымаць махрыстасць кветак і кветкі іншых колераў[2].
Portulaca grandiflora непатрабавальная расліна. Расце ў любых глебах. Патрабуе сонечнага святла, каб добра расці. Яе мясістыя сцеблы і лісце дапамагаюць ёй супрацьстаяць сонцу і засухе.
