Bobby Jindal

Bobby Jindal

Beathaisnéis
Breith	(en) Piyush Jindal 10 Meitheamh 1971 53 bliana d'aois Baton Rouge, Louisiana
55 Gobharnóir Louisiana
14 Eanáir 2008 – 11 Eanáir 2016 ← Kathleen Blanco – John Bel Edwards →
Ionadaí na Stát Aontaithe
4 Eanáir 2007 – 14 Eanáir 2008 Téarma parlaiminte: 110ú Comhdháil na Stát Aontaithe Toghcheantar: 1ú dáilcheantar comhdhála Louisiana Toghadh i: Toghchán 2006 do Theach Ionadaithe na Stát Aontaithe
Ionadaí na Stát Aontaithe
4 Eanáir 2005 – 3 Eanáir 2007 Téarma parlaiminte: 109ú Comhdháil na Stát Aontaithe Toghcheantar: 1ú dáilcheantar comhdhála Louisiana Toghadh i: Toghchán 2004 do Theach Ionadaithe na Stát Aontaithe
Ionadaí na Stát Aontaithe
3 Eanáir 2005 – 14 Eanáir 2008
Assistant secretary (en) United States Department of Health and Human Services (en)
2001 –
Rúnaí Louisiana Department of Health and Hospitals (en)
1996 – 1998
Uachtarán University of Louisiana System (en)
1999
Stiúrthóir feidhmiúcháin coiste
1998
Faisnéis phearsanta
Reiligiún	Caitliceachas
Scoil a d'fhreastail sé/sí	Ollscoil Brown - Baitsiléir Eolaíochta (–1991) Ollscoil Oxford - Master of Letters (en) (–1994) Baton Rouge Magnet High School (en) (–1988) an Coláiste Nua, Oxford Georgia State University College of Law (en)
Céim acadúil	Baitsiléir Eolaíochta Master of Letters (en)
Áit chónaithe	Louisiana Governor's Mansion (en)
Teanga dhúchais	Béarla
Lámhcheannas	Deasógacht
Gníomhaíocht
Suíomh oibre	Washington, D.C.
Gairm	polaiteoir, scríbhneoir
Ball de pháirtí polaitíochta	Páirtí Poblachtach
Teangacha	Béarla
Teaghlach
Céile	Supriya Jindal
Athair	Amar Jindal
Croineolaíocht
	Bobby Jindal presidential campaign, 2016 (en)
Gradam a fuarthas (1992)  Scoláireacht Rhodes
Síniú
Suíomh gréasáin	bobbyjindal.com

Polaiteoir Meiriceánach is ea Piyush "Bobby" Jindal (a rugadh 10 Meitheamh 1971). Ball de Theach na nIonaidaithe sa Chomhdháil in Washington, D.C. a bhí ann ó 2005 go dtí 2008 ar son toghcheantair i Louisiana. Ó 14 Eanáir 2008 go 11 Eanáir 2016 bhí Jindal ina ghobharnóir ar an stát céanna. Is ball den Pháirtí Poblachtach é.

Rugadh Bobby Jindal i mBaton Rouge, Louisiana d’imircí ón India. Nuair a bhí sé ina mhac léinn ardscoile d’iompaigh sé ón Hiondúchas go dtí an Chríostaíocht. Bhain sé amach céim bhaitsiléara sa bhitheolaíocht agus san eolaíocht pholaitiúil ag Ollscoil Brown agus ina dhiaidh sin fuair sé scoláireacht Rhodes chuig Ollscoil Oxford, mar ar bhain sé a chéim mháistreachta sa pholaitíocht amach.

Chaith Jindal sealanna ag obair ar chúrsaí sláinte agus mar uachtarán Ollscoil Louisiana. Sa bhliain 2003 rinne sé a chéad iarracht ar phost ghobharnóra Louisiana, ach fuair Kathleen Blanco, bean choimeádach de chuid an Pháirtí Dhaonlathaigh an bua air sa toghchán. D'éirigh leis go héasca, áfach, suíochán a bhaint amach sa Chomhdháil in Washington sa bhliain 2004. Sheas sé arís d’oifig an ghobharnóra sa bhliain 2007. Chuaigh míshástacht vótálaithe Louisiana le rialtas an stáit úd i ndiaidh Hairicín Katrina chun sochair do Jindal agus fuair sé an bua sa toghchán sin. Toghadh arís é mar ghobharnóir sa bhliain 2011.

Is duine coimeádach é Jindal. Tá seasamh láidir tógtha aige i gcoinne an ghinmhillte cé nach bhfuil sé in aghaidh bearta éigeandála arb ionann, dar lena lán, leis an nginmhilleadh féin. Tá sé ar son phionós an bháis. Sa bhliain 2008, bhí Jindal ar na daoine ar chuir foireann John McCain suim iontu mar iarrthóir ar son leasuachtaránacht na tíre, ach i ndeireadh na dála Sarah Palin a roghnaíodh. Sa bhliain 2015 chuir sé feachtas ar siúl ar lorg ainmniúchán an Pháirtí Phoblachtaigh mar uachtarán na tíre ach ar 17 Samhain 2015 chuir sé an feachtas ar ceal.

Tá Bobby Jindal pósta ar Supriya Jolly, iníon le himircigh Indiacha freisin, ón mbliain 1997 i leith. Tá triúr iníonacha acu.

Nasc seachtrach

• Louisiana Governor Bobby Jindal Curtha i gcartlann 2015-08-11 ar an Wayback Machine suíomh oifigiúil