Ethan

Ethan

Systemateschen Numm (IUPAC)	Ethan
Trivialen Numm	Ethan
Chemesch Formel	C₂H₆
Ausgesinn	duerchsiichtege Gas^[1]
Eegenschaften
Dicht	1.0493 bei 0 °C^[1]
Léislechkeet am Waasser	0,0602 (bei 25 °C am Waasser)^[1] g·L⁻¹
Molmass	30,07 g·mol⁻¹
Schmëlzpunkt	-172^[1] °C
Kachpunkt	-88^[1] °C
Thermodynamesch Daten
Standard Formatiounsenthalpie Δ_fH⁰_Gas	-84.67 ± 0.49^[2] kJ·mol⁻¹
Standardentropie S⁰_Gas	230^[3] J·K⁻¹·mol⁻¹
Verbrennungsenthalpie Δ_cH⁰_Gas	-1559.9 ± 0.46^[2] kJ·mol⁻¹
Weideres
Ähnlech Moleküllen	Methan Propan Butan
Chemesch Famill	Alkanen

Ethan ass e gesiedegten Kuelewaasserstoff aus der Famill vun den Alkanen. E kënnt am Sumpfgas, Äerdgas an an de Raffinerie- a Kokereigaser vir. Ethan ass e Bestanddeel vun de Brenngaser.

Physikalesch Esgenschaften

Ethan ass bei 25 °C an 1013 hPa am gasfërmege Zoustand an en huet kee Geroch^[1] a keng Faarf^[1]. En ass bësse méi schwéier wéi Loft, seng Dicht läit bei 1,05^[1]^[4]. Ethan léist sech schlecht am Waasser op, dofir awer ass en am Benzol gutt léislech. Wéi de Methan, ass och den Ethan schwéier ze verflëssegen, wéinst sengem nidderege Kachpunkt.^[4]

Chemesch Eegenschaften

Ethan ass liichtentzündlech a kann, mat Sauerstoff gemëscht, explodéieren. E brennt mat enger schwacher Flam. Bei der Verbrennung vum Ethan entsteet, wéi bei all Alkan, Waasser a Kuelendioxid^[5].

\mathrm {2\,C_{2}H_{6}+7\,O_{2}\rightarrow 4\,CO_{2}+6\,H_{2}O}

Ethan forméiert mam Chlor a mam Brom duerch Substitutioun nei Produiten. Déi wichtest sinn déi chloréiert Substitutiounsproduiten wéi de Monochloroethan, den Dichloroethan, den Trichloroethan, den Tetrachloroethan, de Pentachloroethan a den Hexachloroethan^[5].

\mathrm {C_{2}H_{6}+X_{2}\rightarrow C_{2}H_{5}X+HX}

X = Cl, Br

Produktioun vum Ethan

Am Laboratoire:

Ethan kann ee mat der Elektrolys vun enger konzentréierter Natriumacetat-Léisung hirstellen. Dobäi entsteet un der Kathod Waasserstoff an un der Anod Ethan a Kuelendioxid.

Eng aner Méiglechkeet ass d’Wurtz-Reaktioun. Mat Monochloromethan a Natrium léisst sech Ethan gutt hierstellen^[5].

\mathrm {2\,CH_{3}Cl+Na\rightarrow C_{2}H_{6}+HCl}

Eng drëtt Method besteet doranner, Natriumpropanoat mat Natriumhydroxid ze hëtzen^[5].

An der Industrie:

Aus Äerdgas kann e Ethan industriell hirstellen. Aner Methode sinn d’Pëtrolhydréierung an d’Kuelenhydréierung.

Uwendung

An der chemescher Industrie gëtt Ethan geholl fir Ethen hirzestellen. Eng Method dofir ass de Cracking. Bei 500 °C bis 1000 °C gëtt den Ethan an Ethen a Waasserstoff ëmgewandelt^[5]^[4].

Literatur

Éditions A. De Boeck, Bruxelles, 1979, Chimie organique, A. Dessart - J. Jodogne - J. Paul

Um Spaweck

http://www.seilnacht.com/Chemie/ch_ethan.htm

Referenzen

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 O'Neil, M. J. (ed.). The Merck Index - An Encyclopedia of Chemicals, Drugs, and Biologicals. 13th Edition, Whitehouse Station, NJ: Merck and Co., Inc., 2001., p.664
↑ ^2,0 ^2,1 Prosen, E.J.; Rossini, F.D., Heats of combustion and formation of the paraffin hydrocarbons at 25° C, J. Res. NBS, 1945, 263-267.
↑ J. G. Stark, H. G. Wallace, Chemistry Data Book, Second Edotion in SI, London: John Murray, 1982, p. 48
↑ ^4,0 ^4,1 ^4,2 http://www.seilnacht.com/Chemie/ch_ethan.htm [16.02.2012]
↑ ^5,0 ^5,1 ^5,2 ^5,3 ^5,4 Éditions A. De Boeck, Bruxelles, 1979, Chimie organique, A. Dessart - J. Jodogne - J. Paul, S.64-65

Commons: Ethane – Biller, Videoen oder Audiodateien

[TheMerckIndex-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 O'Neil, M. J. (ed.). The Merck Index - An Encyclopedia of Chemicals, Drugs, and Biologicals. 13th Edition, Whitehouse Station, NJ: Merck and Co., Inc., 2001., p.664

[ProsenAndRossini-2] 2,0 ^2,1 Prosen, E.J.; Rossini, F.D., Heats of combustion and formation of the paraffin hydrocarbons at 25° C, J. Res. NBS, 1945, 263-267.

[3] J. G. Stark, H. G. Wallace, Chemistry Data Book, Second Edotion in SI, London: John Murray, 1982, p. 48

[seilnacht-4] 4,0 ^4,1 ^4,2 http://www.seilnacht.com/Chemie/ch_ethan.htm [16.02.2012]

[ChimieOrganique-5] 5,0 ^5,1 ^5,2 ^5,3 ^5,4 Éditions A. De Boeck, Bruxelles, 1979, Chimie organique, A. Dessart - J. Jodogne - J. Paul, S.64-65

[1]

[2]

[3]

[4]

[5]