Úsáideoir:An Sionnach Rua
| ||
|
| ||
| ||
Leathanach Úsáideora An Sionnach Rua
Is as Tamhlacht Mhaolruain dom ó dhúchas, baile atá ar imeall na hardchathrach in Éirinn. Níor tógadh leis an Ghaeilig mé ach is mór an chabhair a bhí inti dom im shaol ó thosaigh mé á foghlaim. D'fhoghlaim mé mo chuid Gaeilge ar an scoil ar dtús agus ar an ollscoil ar lean, áit ar bhain mé bunchéim amach sa Nua-Ghaeilge agus sna Léinn Ghearmáinise agus Máistreacht Ghairmiúil san Oideachas (Iar-Bhunscoile) ina dhiaidh sin ag múineadh na Gaeilge agus na Gearmáinise ag leibhéal iar-bhunscoile. Tá canúint mheasctha agam, a bhfuil rianta de Ghaeilge Chonamara agus de Ghaeilge Uladh le brath inti chomh maith le rianta beaga bídeacha den eolas a bhí le fáil faoin chanúint thréigthe a labhraíodh i mo cheantar dúchais. Bainim úsáid as an chaighdeán oifigiúil agus mé i mbun eagarthóireachta ar an tsuíomh seo agus nuair a bhím ag cruthú ábhar di chomh maith.
Tá suim ar leith agam sa teangeolaíocht, sa dúlra, sna healaíona comhraic agus sa tíreolaíocht agus is ar leathanaigh a bhaineann leis na téamaí seo a fheicfidh tú mo lorg as seo amach.