Авачински Залив
Авачински Залив (руски: Авачинская бухта) или Авачинско Устие (Авачинская губа) — залив во југоисточниот брег на полуостровот Камчатка во Тихиот Океан. Долг е 24, а широк 3 км во устието, со најголема длабочина од 26 м.[1]
Во него се влева реката Авача, по која е наречен. Не брегот на заливот е сместен пристанишниот град Петропавловск Камчатски од источната страна и затворениот град Виључинск од западната, во помалиот Крашеников Залив. Претставува најважна точка за стопанскиот и воениот сообраќај во Камчатскиот крај.
Откривање
[уреди | уреди извор]Заливот прв го забележал данско-рускиот истражувач и офицер Витус Беринг во 1729 г. Првите карти на подрачјето ги изработил поморскиот капетан Михаил Тебенков некаде во 1830-тите.[2]
Опис
[уреди | уреди извор]
Авачинскиот Залив е меѓу најголемите засолнети заливи во светот, со способност да ги прими и најголемите бродови. Зафаќа површина од 215 км2 и длабок е до 26 метри. Поважни реки кои се влеваат во него се Авача и Паратунка. На него е сместена и главната база на Тихоокеанската флота на руските поморскски сили. Зиме заливот замрзнува.
Поврзано
[уреди | уреди извор]Наводи
[уреди | уреди извор]- ↑ „Avachinskaya Guba“. Mapcarta. Архивирано од изворникот на 20 декември 2016. Посетено на 19 декември 2016.
- ↑ „Karta Kamchatskago Berega“. Alaska's Digital Archives. Архивирано од изворникот на 12 ноември 2013. Посетено на 12 ноември 2013.
Надворешни врски
[уреди | уреди извор] |
„Авачински Залив“ на Ризницата ? |
- Карта на Авачинскиот Залив во размер 1:500 000 Архивирано на 20 јуни 2019 г. — Национален атлас на Русија, 2004
- Авачински Залив Архивирано на 17 април 2021 г. — Голема руска енциклопедија, 2016 (руски)
- Авачинско Устие — Голема советска енциклопедија. I издание, 1926 - 1947 (руски)
|