Афротерии

Афротерии; Afrotheria; Период: Палеоцен - денес
	1.Orycteropus afer 2.Dugong dugon 3.Rhynchocyon petersi 4.Trichechus manatus 5.Chrysochloridae sp. 6.Procavia capensis 7.Loxodonta africana 8.Tenrec ecaudatus
Научна класификација [ у ]
Царство:	Животни
Тип:	Хордови
Класа:	Цицачи
Cohort:	Плацентни
клад:	Атлантски цицачи
Надред:	Афротерии
Редови
	Видете подолу

Афротериите (односно Afrotheria − "африкански ѕверови") се клад (или надред) на вистински цицачи каде припаѓаат златните кртови, слоновските земјоријачки, тенреките, капскиот цевкозаб, пештерниците, слоновите и моржовите.

По сè изгледа дека многу афротерии се на работ од исчезнување, така што доколку оваа група се смета за природна, ова би довело до драматичен губиток на генетски и еволуциски диверзитет.

Еволутивни врски

Оваа група е предложена само врз основа на молекуларните и ДНК анализи. Од 1990-тите, генетските анализи ја признаваат групата на афротериите како една од четирите главни групи во рамките на Eutheria (која ги содржи плаценталните цицачи). Точната поврзаност меѓу четирите еутериски кладови − афротерии, чуднозглобни (Xenarthra), лауразиотерии (Laurasiatheria) и еуархонтоглирите (Euarchontoglira) − останува недоволно објаснета. Една хипотеза предлага дека најстарото разделување меѓу афротериите и останатите три групи (Exafroplacentalia) се случило пред околу 105 милиони години, кога Африка била веќе одделена од другите поголеми копнени маси. Генетските анализи и фосилните податоци укажуваат на тоа дека групата Xenarthra се развила во Јужна Америка и дивергирала од останатите две нешто подоцна (Бореоеутерии). Лауразиотериите и еуархонтоглирите се поблиски во однос на другите два клада, и можат да се групираат заедно во таксонот Boreoeutheria.

Некои истражувачи сметаат дека овие молекуларни класификации на еутериите се прелиминарни или контроверзни, бидејќи ги растураат некои претходни групирања на цицачите кои се основаат на морфолошки одлики. На пример, редот Insectivora се состоел од многу родови и видови на мали, инсектојадни цицачи, од кои некои според новата систематика излегува дека се подалечни сродници; тие споделуваат слична анатомија и однесување само како резултат на конвергентна еволуција.^[1] Како друг пример може да послужат различните морфолошки одлики на групата Xenarthra (каде припаѓаат мравојадите, мрзливците и армадилата), кои ги воделе таксономите да ги групираат сите други еутериски цицачи во таксонот Epitheria, при што Xenarthra се појавувала како најдалечна група. Друга реконструкција ја сместува Xenarthra заедно со Аfrotheria во кладот Atlantogenata, како сестрински клад на Boreoeutheria.

Систематика

За афротерии се сметаат неколку рецентни редови на цицачи:

ИНФРАКЛАСА EUTHERIA: плацентални цицачи
- Надред Afrotheria^[2]
  - - Ред Afrosoricida
      - Подред Chrysochloridea: златни кртови (21 вид)
      - Подред: Tenrecomorpha: тенреки и видрови земјоријачки (32 вида)
    - Ред Macroscelidea: слоновски земјоријачки или сенгиси (15 вида)
    - Ред Tubulidentata: капски цевкозаб (1 вид)
    - Ред Bibymalagasia?: изумрен
    - Ред Afredentata?: изумрен
  - Клад Paenungulata
    - Ред Hyracoidea: пештерници (4-6 вида, во зависност од класификацијата на подвидовите)
    - Ред Proboscidea: слонови (3 вида)
    - Ред Sirenia: моржови (3 вида), дугонг (1 вид) и неколку изумрени видови на морски крави
    - Ред †Embrithopoda: изумрен
    - Ред †Desmostylia: изумрен
- таксон Exafroplacentalia
  - Надред Xenarthra
  - таксон Boreoeutheria
    - Надред Laurasiatheria
    - Надред Euarchontoglires (Supraprimates)

Наводи

↑ Видете го документот на the Kriegs et al. (2001), каде се зборува за можните реконструкции на кладовите врз основа на различните форми на генетски и морфолошки докази. Тие веруваат дека отсуството/присуството на ретротранспозони дава помалку грешки отколку другите постоечки модели на таксономска реконструкција.
↑ Seiffert (2007) дава преглед на можните решенија на политомијата на Afrosoricida, Macroscelidea, Tubulidentata и Paenungulata. Денес не постои широко прифатен консензус за овој аспект на афротериската филогенија.

[1] Видете го документот на the Kriegs et al. (2001), каде се зборува за можните реконструкции на кладовите врз основа на различните форми на генетски и морфолошки докази. Тие веруваат дека отсуството/присуството на ретротранспозони дава помалку грешки отколку другите постоечки модели на таксономска реконструкција.

[2] Seiffert (2007) дава преглед на можните решенија на политомијата на Afrosoricida, Macroscelidea, Tubulidentata и Paenungulata. Денес не постои широко прифатен консензус за овој аспект на афротериската филогенија.

[1]

[2]