Брод (Босния и Герцеговина)

Брод
	Выгляд на город з хорватского берега
Давны назвы	Босански Брод, 1739
Держава	Босния и Герцеговина
Регион	Добой
Община	Брод
Координаты	45°08′44.6″ с. ш. 18°00′22.2″ в. д. / 45.145722° с. ш. 18.006167° в. д. (G) (O) (Я)
Розлога	(община) 229,3 км²
Надморска вышка	84 м
Обывательство	8563 особы (2013)
Часова зона	UTC+1, влѣтѣ UTC+2
Телефонный код	+387-53
Поштовый индекс	74450
Матичне число (БиГ)	202746
Официалный сайт	[1] (серб.)
	Брод

Суть другы вызнамы, см. Брод.

Брод — город и община, положена на правом березѣ рѣкы Сава в сѣверной части Босны и Герцеговины в ей сербской самосправной части Република Сербска, ровнако около 200 км оддаленый од Загреба, Сараева и Београда.^[1] На лѣвом березѣ, в Хорватии находить ся Славонскый Брод.

История

Перва споминка в писаных жерелах походить з року 365. В часы Римской империи на том мѣстѣ быв город Марсония, названый в честь бога войны Марса. В середновѣку, около року 1470 и дале яко маеток родины Бериславич, было то едно село на обох берегах и называло ся Бериславичов Брод.^[2] Року 1536 Османы заяли го и правобережну часть села цѣлком знищили. В турецкых руках было до року 1688, а дале уж лем правый берег овладали Османы. Ту была границя Австро-Мадярщины и Османской империи и обѣ стороны мали военны оборонны ставбы. Року 1739 на лѣвом березѣ установила ся австрийска администрация, а на правом — турецка и одтогды так зоставають яко два окремы населены пункты. Правобережна часть мала назву Босанскый Брод (мад. Boszna-Bród).^[2] Ту быв перевоз через Саву, а од року 1879 — мост. Быв то важный торговый и желѣзничный узел, ту сходили ся линии Будапешт – Сараево и Загреб – Сараево. Року 1878 город, як и цѣла БиГ, быв оккупованый Австро-Мадярсков монархиев. В Другой свѣтовой войнѣ город быв силно ошкодженый в резултатѣ бомбардовань союзникох.

Днешность

Року 1992 в току войны мост быв розбитый, але в далшых роках зостав обновленый. Од року 1992 Брод односить ся до Републикы Сербской. Сербы пробовали змѣнити назву Босанскый Брод на Сербскый Брод, але натрафили на протесты Боснякох. В конци парламент републикы утвердив курту назву Брод без одкликаня на народность.

В городѣ фунгуе рафинерия нафты, де мають роботу 1300 людей. Зоставать тыж надале важный яко желѣзничный узел. Трикотажна фабрика Бродтекс з персоналом 130 особ выраблять рочно миллион пар фусекель и 25 тыс. кило синтетичной пряжы, застачаючи торгы властной державы и Сербии. До войны вшитка тота продукция была примѣрно десять раз векша и мала добрый експорт.

Обывательство

Обывательство города подля довоенного списованя року 1991 чинило 14098 особ, з того:

Сербы — 4373 (31,01 %)
Хорваты — 4086 (28,98 %)
Босняци — 2246 (15,93 %)
Югославы^[3] — 2760 (19,57 %)
Иншы — 633 (4,51 %)

Жерела

Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935.

Одказы

Курто о Бродѣ (серб.)

Референції

↑ Курто о Бродѣ
↑ ^2,0 ^2,1 Révai, том III, Bród
↑ Од року 1961 етноним «югославы» быв урядно пропагованый. Перед роспадом федерации голосило ся ку нему 7% обывательства. Были то люде, котры державлянство мали высше за националность.

Тоты даны суть часточно або цалком основаны на перекладї статї Brod, Bosnia and Herzegovina на анґліцькій Вікіпедії.
Тоты даны суть часточно або цалком основаны на перекладї статї Брод (Република Српска) на сербскій Вікіпедії.

[1] Курто о Бродѣ

[R-2] 2,0 ^2,1 Révai, том III, Bród

[3] Од року 1961 етноним «югославы» быв урядно пропагованый. Перед роспадом федерации голосило ся ку нему 7% обывательства. Были то люде, котры державлянство мали высше за националность.

[1]

[2]

[3]