Бужумбура
Бужумбура – Бурунди мамлекетинин борбор шаары. Калкы 336,6 миң (2006). Танганьика көлүнүн Түндүк-чыгыш жээгиндеги порт, өлкөнүн соода-транспорттук жана экономикалык борбору. Жолдор тоому. Эл аралык аэропорту бар. Сыртка кофе, пахта, тери, калай концентратын жана башка чыгарат. Тамак-аш, жеңил өнөр жайы, цемент, пиво заводдору иштейт. Балык кармалат. Айыл чарба сырьёсунан азык-түлүк даярдайт. Тор түйүү фабрикасы, университет бар. 1897-ж. негизделген. 1922-жылдан мандат менен башкарылуучу, 1946–62-ж. опека алдындагы (Руанда-Урунди) Бельгия аймагынын, 1962-жылдан көз каранды эмес Бурунди мамлекетинин борбору.
Колдонулган адабияттар
[түзөтүү | булагын түзөтүү]- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4