Ермұхамет Қабиденұлы Ертісбаев

Ермұхамет Ертісбаев
Ертісбаев 2022 жылы
Лауазымы
Қазақстан Халық партиясының төрағасы
27 наурыз 2022 жыл
Ізашары	Айқын Қоңыров
Ту Қазақстан Республикасы Президентінің Кеңесшісі Ту
12 мамыр 2008 жыл
Ту Қазақстан Республикасының Мәдениет және ақпарат министрі Ту
28 наурыз 2006 — 12 мамыр 2008
Ізашары	лауазым құрылды; Қазақстан Мәдениет, ақпарат және спорт министрі ретінде өзі
Ізбасары	Мұхтар Құл-Мұхаммед
Ту Мәдениет, ақпарат және спорт Министрі Ту
18 қаңтар — 28 наурыз 2006
Ізашары	Есетжан Қосубаев
Ізбасары	лауазым ыдырады; Қазақстан Мәдениет және ақпарат министрі ретінде өзі
Өмірбаяны
Партиясы	ҚХП (2022–) Аманат (2007–2022) ҚСП (1991–2007) ҚКП (1991 бұрын)
Діні	атеизм
Дүниеге келуі	19 қазан 1956 (1956-10-19) (68 жас) Қарағанды, Қазақ КСР, КСРО
Жұбайы	Людмила Анатольевна Ертісбаева (1957)
Балалары	Қабиден Шыңғыс Ермұхаметұлы (1985)

Ермұхамет Қабиденұлы Ертісбаев (19 қазан 1956, Қарағанды) — Қазақстан саясаткері, дипломат, 2022 жылдан бастап ҚХП төрағасы. Бұдан бұрын ол Қазақстанның Беларуське (2017–2019) және Грузияға (2013–2017) елшісі болған.

Қысқаша өмірбаяны

1956 ж. қарашаның 19-ында туған. Арғын тайпасының Тарақты руынан шыққан.

Қарағанды мемлекеттік университетін бітірген. Саясаттану ғылымдарының докторы, профессор. Ағылшын тілін меңгерген.

Жұмыс тәжірибесін 1978 жылы Жезқазған педагогикалық институтының ассистенті болып бастаған. Кеңес Әскері қатарында әскери қызмет өтеген. Ломоносов атындағы ММУ-де машықтанушы-оқытушы болып қызмет атқарған, сонда аспирантураны бітіріп, диссертация қорғаған. Саясат тарихы кафедрасының меңгерушісі болған. Бірнеше монографиялар мен жүздеген ғылыми және публицистикалық мақалалардың авторы.

1990—1994 жылдары Республика Жоғары Кеңесінің депутаты болды.

1994—1998 жылдары Қазақстанның Социалистік партиясы саяси атқару комитетінің хатшысы болып сайланды.

1994–1998 жылдары Қазақстан Республикасы Президентінің кеңесшісі

1998—2002 жылдары Қазақстан стратегиялық зерттеулер институтының директоры.

2000 жылы Мемлекет басшысы Әкімшілігінің бөлім меңгерушісі болып жұмыс істеді.

2002 жылы Қазақстан Республикасы Президентінің кеңесшісі.

2006 жылы қаңтар айынан бастап ҚР Мәдениет, ақпарат және спорт министрі.

2006—2008 жылдары ҚР Мәдениет және ақпарат министрі.

2008 жылы мамыр айынан 2013 жылға дейін Қазақстан Президентінің кеңесшісі.

2013 жылдың 3-ші сәуірі мен 2017 жыл, қарашаның 24-і аралығында Ертісбаев Қазақстанның Грузиядағы Төтенше және Өкілетті Елшісі болған.

24 қараша 2017 — 12 тамыз 2019 жылдары аралығында Қазақстанның Беларусьтағы Төтенше және Өкілетті Елшісі.

2019 жылы өзінің дипломатиялық жұмысын аяқтады. 18 наурыз күні 2022 жылы Ертісбаевтың Қазақстан халық партиясы құрамына кіргені белгілі болды. 28 наурыз күні партия Ермұхамет Ертісбаевты партия төрағасы болып сайлады.

Сілтемелер

• ҚР президентінің саяси мәселелер жөніндегі кеңесшісі Ермұхамет Ертісбаев ҚазТАГ агенттігіне жағдайға қатысты түсініктеме берді(қолжетпейтін сілтеме)