Павел Гюле

Павел Гюле
польск.: Paweł Marek Huelle
Асабістыя звесткі
Дата нараджэння	10 верасня 1957(1957-09-10)[…]
Месца нараджэння	Гданьск, Гданьскае ваяводства, Польская Народная Рэспубліка
Дата смерці	27 лістапада 2023(2023-11-27) (66 гадоў)
Месца смерці	Гданьск, Паморскае ваяводства, Польшча
Пахаванне	могілкі Срэбжыска[d]
Грамадзянства	Польшча
Жонка	Ida Łotocka-Huelle[d]
Альма-матар	Гданьскі ўніверсітэт
Месца працы	Гданьскі медыцынскі ўніверсітэт
Прафесійная дзейнасць
Род дзейнасці	сцэнарыст, пісьменнік, журналіст, літаратурны крытык
Грамадская дзейнасць
Член у	Польскі ПЭН-клуб[d]
Прэміі	прэмія Самуіла Багуміла Ліндэ[d] (2005) узнагарода Фонда імя Касцельскіх[d] (1988) прэмія Андрэаса Грыфіуса[d] (1992)
Узнагароды	Пашпарт «Палітыкі»[d]
Медыяфайлы на Вікісховішчы

Павел Марэк Гюле (польск.: Paweł Marek Huelle; 10 верасня 1957, Гданьск — 27 лістапада 2023) — польскі празаік, паэт, драматург, сцэнарыст.

Біяграфія

Вывучаў польскую філалогію ў Гданьскім універсітэце. Выкладаў філасофію ў Медыцынскай акадэміі. У 1980-я гады быў звязаны з канспірацыйнай прэсай — працаваў у прэс-службе «Салідарнасці». У 1994—1999 гадах кіраваў гданьскім аддзелам Польскага тэлебачання.

Калі П. Гюле пытаюць пра музыку і кнігі, якія ўзяў бы з сабою на бязлюдны востраў, ён называе Баха, «Пінк Флойд», «Атлас неба», «Чарадзейную гару» Т. Мана, апавяданні І. Буніна, вершы Р. М. Рыльке і Ю. Чаховіча.

Творчасць

Першы раман П. Гюле «Вайзэр Давідэк» (Weiser Dawidek, 1987) адразу стаў папулярным і чытаным не толькі ў Польшчы, але і за мяжой. Падзеі твора, які адбываюцца ў 1957 годзе і ў сучаснасці, звязаныя з таямнічым знікненнем 13-гадовага яўрэйскага хлопчыка Давідка, які ў вачах прыяцеляў быў кімсьці накшталт чараўніка і месіі. У 2000 годзе раман экранізаваны польскім рэжысёрам В. Марчэўскім.

Аўтар кніг «Апавяданні падчас пярэбараў» (Opowiadania na czas Przeprowadzki, 1991), «Вершы» (Wiersze, 1994), «Першае каханне і іншыя апавяданні» (Pierwsza miłość i inne opowiadania, 1994), «Мерсэдэс-Бэнц. З лістоў да Грабала» (Mercedes Benz. Z listów do Hrabala, 2001). У 2004 годзе выходзіць раман «Кастарп» (Castorp), які паўстаў са згадкі персанажа «Чарадзейнай гары» Томаса Мана — Ганса Кастарпа пра «чатыры семестры навучання ў Гданьскай Політэхніцы». Затым выйшаў раман «Таемная вячэра» (Ostatnia Wieczerza, 2007) і зборнік апавяданняў «Аповесці халоднага мора» (Opowieści chłodnego morza, 2008).

Большая частка твораў П. Гюле прысвечана роднаму Гданьску і ваколіцам, згадкам дзяцінства і пошукам духоўных каранёў. Прычым трывалае выкарыстанне біяграфічных элементаў у творчасці не варта блытаць з аўтабіяграфічнай прозай. Таксама ў тэкстах вялікую ролю іграе дыялог з літаратурнымі папярэднікамі (Гюнтэр Грас, Томас Ман, Бруна Шульц, Багуміл Грабал).

Творы П. Гюле перакладзеныя на англійскую, беларускую, іспанскую, італьянскую, рускую, фінскую, французскую, шведскую і іншыя мовы і адзначаны шматлікімі літаратурнымі ўзнагародамі.

Беларускія пераклады

• Павел Гюле. Мэрсэдэс-Бэнц: Раман, апавяданні / Пераклад з польскай М. Шоды. — Мінск: І. П. Логвінаў, 2007.
• «Франц Карл Вэбер» / Перакл. М. Шоды (2014)
• «Вайзэр Давідзік». Урывак з рамана

Спасылкі

• Павел Гюле на «Прайдзісвет»