Резеда Ганиева

Резеда Ганиева
Резеда Ганиева
Туган телдә исем	Резеда Кадыйр кызы Ганиева
Туган	13 ноябрь 1932; ССРБ, РСФСР, ТАССР, Яшел Үзән районы, Кече Шырдан
Үлгән	21 март 2020 (87 яшь); РФ, ТР, Казан
Яшәгән урын	Декабристлар урамы
Милләт	татар
Ватандашлыгы	СССР; РФ
Һөнәре	әдәбият галиме
Җефет	Зөфәр Рәмиев
Балалар	улы Булат, кызы Халидә
Бүләк һәм премияләре	Татарстанның атказанган фән эшлеклесе

Википедиядә Ганиева фамилияле башка кешеләр турында мәкаләләр дә бар.

Резеда Ганиева, Резеда Кадыйр кызы Ганиева (1932 елның 25 октябре (13 ноябре), ССРБ, РСФСР, ТАССР, Яшел Үзән районы, Кече Шырдан — 2020 елның 21 марты, РФ, ТР, Казан) — әдәбият галиме, филология фәннәре докторы (1992), профессор (1993), Татарстанның атказанган фән эшлеклесе (1994). Казан дәүләт университетында 60 елдан артык гарәп, фарсы, төрки татар әдәбиятлары тарихын укыткан. Ике дистәгә якын фән кандидаты һәм докторант тәрбияләгән мөгаллим. Күпсанлы фәнни мәкаләләр, китап-монографияләр авторы.

Тәрҗемәи хәле

1932 елның 25 октябрендә (13 ноябрендә) Татарстан АССР Яшел Үзән районы Кече Шырдан авылында туган. Казан дәүләт университетын тәмамлаган (1958).

1962 елдан Казан дәүләт университетында укыта. Студентларга 60 елдан артык гарәп, фарсы, төрки татар әдәбиятлары тарихын укыткан. Резеда Ганиева — ике дистәгә якын фән кандидаты һәм докторант тәрбияләгән мөгаллим. «Татар шагыйре Габдулла Тукай иҗатында сатира» темасына кандидатлык, Кол Гали иҗатына багышланган докторлык диссертацияләрен язган. Самосырово бистәсендәге мөселман зиратына җирләнде.^[3]

Гыйльми кызыксынулар өлкәсе

Татар әдәбияты тарихы һәм теориясе; әдәбият белеме; татар әдәбиятының Көнбатыш Европа, рус, украин, гарәп, иран-таҗик, төрки телле әдәбиятлар белән элемтәсе; Көнчыгыш әдәбиятларында сәнгать алымнары; Г. Тукай, Г. Исхакый, Н. Думави иҗаты.

Күпсанлы гыйльми мәкаләләр, китап-монографияләр авторы. Укыту программалары, энциклопедияләр төзегән.

Кайбер хезмәтләре

Сатира в творчестве Тукая. К., 1964;
Восточный Ренессанс и поэт Кул Гали. К., 1988;
Татарская литература: традиции, взаимосвязи. К.. 2002;
Думавиның иҗат сәхифәләре. К.. 2003.

Гаиләсе

Ире — Зөфәр Зәйни улы Рәмиев (1938 елның 24 июнендә Кама Тамагы районы Каратал авылында туган), әдәбият галиме, филология фәннәре докторы, ТР атказанган фән эшлеклесе.
Уллары Булат (1998 елдан Истанбулда (Төркия) яши, техник университетта эшли). Булатның хатыны Ленария.
Кызлары Халидә, Шәмәрдәннән кайтышлый юл һәлакәтенә очрап вафат булган. ^[4]^[5].

Искәрмәләр

Әдәбият

Саяпова А. Говорю о своём учителе // «Идель», 2002 г., № 10;
Чын галим hәм педагог// «Фәнни Татарстан», 2002 ел, № 3-4.

Сылтамалар

Ганиева Резеда Кадыровна. «Милләттәшләр» порталы(рус.)
Әдәбият галиме Резеда Ганиева вафат. Татар-информ МА, 21.03.2020

Моны да карагыз

[_46f650d5b3b3f7e0-1] ttps://zhutuli.rosfirm.info/kazan?g-recaptcha-response=03AGdBq26rgeikrnDfHt3XwSutCyUGzeKaWJgoo4juuIZqdeKxqyBHla4Zx4ocUxCTP7yRommrUnmCl_-WCjMUjaGyW49x1R2CoAmQZW86dMLhD3kpwTB9ALLuOciaE6FeQPBxx-oiuV2Z21s3E3Ge0ZKpSs9TVHm-VVDQDOFRWLLEyHxZaVRrMSo5CTdoVEZDnaNVBpOvP3-oZQZ8Ps0PdTRq64mvgjtwOJHBZe3Y2L4R-9g1rJJHk3CEOtpSPVzcNx4e8soJit9mJ-vxGTDbHwPPRuS3mP_kM-OSsi8NPMV7IpJqC_5vgx3S2ioLbcs3nzdq2u3t337iWmiaFrlA2JgZSpUU7oTjtaFPe1CJQb6KbIh8997ZBpDeVNG6vhGh7XVIopibJnQn2I8Xo14jqmwpeaJRWWgLEf-pAUHoCrgZbR3Md9oR-ZQbBaluHlsH8WOR4OR-jDqJNhe2PL_3XOj7k2y_HxksTA&action=validate_captcha&fio=%E3%E0%ED%E8%E5%E2%E0+%F0%E5%E7%E5&adress=&searchButton=+%CD%E0%E9%F2%E8+

[_3374c571dba49bcd-2] бирелмәләр нигезе
https://wikidata.org/wiki/Track:Q8513https://wikidata.org/wiki/Track:Q1630548https://wikidata.org/wiki/Track:P9073

[3] "Туган телгә бирелгән зат иде". Казанда галимә Резедә Ганиева белән хушлаштылар Азатлык радиосы, 22 март 2020

[4] Ильяс Хаҗиев, Айнур Җамалетдинов. Зөфәр Рәмиев: «Өстәлемдә – Резедә ике баланы тотып төшкән рәсем, шуңа карыйм да елыйм...» Интертат, 20.03.2023

[5] Рузилә Мөхәммәтова. Әдәбият галиме Резеда Ганиева соңгы юлга иртәгә озатыла. Татар-информ МА, 21.03.2020

[1]

[2]

[3]

[4]

[5]