Янбу

Янбу қаласы (Янбу-эль-Бахр, Сауд Арабия) – Сауд Арабиясының батысындағы қала. Қызыл теңіздегі ірі мұнай, сауда және әскери-теңіз порты. Біздің заманымызға дейінгі бірінші мыңжылдықта Йеменнен Жерорта теңізіне қатынайтын сауда керуенінің орталығы болған. Кейінірек Мекке мен Мединеге қажылыққа келген мұсылмандар келіп тоқтайтын негізгі портты қала ретінде танымал болған. Ол Осман империясының және Бірінші Дүниежүзілік соғыстан кейін Хиджаз мемлекетінің құрамында болған. Неджді біріктіргеннен кейін Сауд Арабия мемлекетіне қосылды. Қазіргі таңда елдің индустриалды орталығы болып саналады.