Արմեն Գրիգորյան (մարզական գործիչ)

Արմեն Գրիգորյան;
Ծնվել է	մարտի 2, 1961 (63 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Ֆիզիկական կուլտուրայի հայկական պետական ինստիտուտ (1982) և ՊԿԱ (2003)

Վիքիպեդիայում կան հոդվածներ Գրիգորյան ազգանունով այլ մարդկանց մասին։

Արմեն Լևոնի Գրիգորյան (01 փետրվար 1961, Երևան, Հայկական ԽՍՀ, ԽՍՀՄ), Հայաստանի պետական և մարզական գործիչ։

Կրթություն

1978-1982 թթ. – սովորել և ավարտել է Ֆիզիկական կուլտուրայի հայկական պետական ինստիտուտը։
1982-1984 թթ. - ծառայել է ԽՍՀՄ բանակում։
1996-2000 թթ. - սովորել և ավարտել է Լազարյանի անվան արևելագիտության ինստիտուտը։
2000 թ. - սովորել և ավարտել է ՀՀ պետական կառավարման ակադեմիան։

Աշխատանքային գործունեություն

1981-1983 թթ. - «Բուրեվեստնիկ» մարզական ընկերության սուսերամարտի հրահանգիչ։
1986-1988 թթ. – Հայկական ԽՍՀ լուսավորության մինիստրության սուսերամարտի մասնագիտացված մարզադպրոցի մարզիչ-մանկավարժ։
1985-1986 թթ. – Երքաղխորհրդի սուսերամարտի մասնագիտացված մարզադպրոցի մարզիչ-մանկավարժ։
1987-1996 թթ. – Կերպարվեստի կոմբինատի փականագործ, արտադրական տեղամասի պետ։
1990-1992 թթ.- Կոշիկի «Նաիրի» գործարանի գլխավոր տնօրեն։
1996-1998 թթ. – Կերպարվեստի կոմբինատի տնօրենի տեղակալ։
1998-2003 թթ. – ՀՀ մշակույթի, երիտասարդության հարցերի և սպորտի նախարարության ֆիզիկական կուլտուրայի և սպորտի վարչության պետ։
1999 թվականից – Հայաստանի սուսերամարտի ֆեդերացիայի նախագահ։
2001-2010 թթ. - Հայաստանի ազգային օլիմպիական կոմիտեի գլխավոր քարտուղար։
2003-2007 թթ. - ՀՀ Կառավարությանն առընթեր Ֆիզիկական կուլտուրայի և սպորտի պետական կոմիտեի նախագահի տեղակալ։
2007 թ. հունիսի 6-ին ՀՀ վարչապետի որոշմամբ ազատվել է Հայաստանի Հանրապետության կառավարությանն առընթեր ֆիզիկական կուլտուրայի և սպորտի պետական կոմիտեի նախագահի տեղակալի պաշտոնից^[1]։
2007 թ. հունիսի 6-ին ՀՀ Նախագահի հրամանագրով նշանակվել է ՀՀ սպորտի և երիտասարդության հարցերի նախարար։
2007-2012 թթ. Համաշխարհային Համահայկական Խաղերի Կոմիտեի Նախագահ։
2008 թ. ապրիլի 16-ին ՀՀ Նախագահի հրամանագրով վերանշանակվել է ՀՀ սպորտի և երիտասարդության հարցերի նախարար^[2]։
2010 թ. հունվարի 29-ին ՀՀ Նախագահի հրամանագրով ազատվել է ՀՀ սպորտի և երիտասարդության հարցերի նախարարի պաշտոնից^[3]։
2012 թ.-Հայ-Ռուսական Համալսարանի Ֆիզկուլտուրայի և Առողջ Ապրելակերպի ամբիոնի վարիչ։
2017 թ.-ՀՀ ԲՈԿ-ի մանկավարժական 065 մասնագիտական խորհրդի անդամ, նախագահի տեղակալ։
2021 թ. Հայաստանի Ազգային Օլիմպիական Կոմիտեի փոխնախագահ։

Պարգևներ և կոչումներ

Մանկավարժական գիտությունների դոկտոր, պրոֆեսոր։
Հայաստանի Մանկավարժահոգեբանական Գիտությունների Ակադեմիայի իսկական անդամ Ակադեմիկոս։
ՀՀ Նախագահի շնորհակալագիր։
ՀՀ Սպորտի և երիտասարդության հարցերով նախարարության բացառիկ ծառայությունների համար ոսկե մեդալով։
ՀԱՕԿ-ի ՛՛Հրանտ Շահինյանի՛՛ մեդալով։
Ազգային Օլիմպիական Կոմիտեների Ասոցիացիայի Ոսկե Շքանշանով։
ՀՀ Կրթության նախարարության ոսկե շքանշանով։
ՀԱՕԿ ոսկե շքանշանով։
ՀՀ Ֆիզիկական կուլտուրայի և Սպորտի վաստակավոր գործիչ։
Սուսերամարտի Միջազգային Ֆեդերացիայի կողմից ընտրվել է փառքի սրահի անդամ։