Արմեն Մանդակունյան
| Արմեն Մանդակունյան | |
|---|---|
| Ծնվել է | հունվարի 19, 1934 (90 տարեկան) Երևան |
| Ժանրեր | ժողովրդական էստրադա |
| Մասնագիտություն | կոմպոզիտոր և դիրիժոր |
| Կրթություն | Երևանի պարարվեստի պետական քոլեջ, Ռոմանոս Մելիքյանի անվան պետական երաժշտական քոլեջ և Երևանի Կոմիտասի անվան պետական կոնսերվատորիա |
| Կայք | armenmandakunian.com |
Արմեն Մանդակունյան (անգլ.՝ Armen Mandakunian, հունվարի 19, 1934, Երևան, Հայկական ԽՍՀ, ԱԽՖՍՀ, ԽՍՀՄ), հայ կոմպոզիտոր։
Կենսագրություն
[խմբագրել | խմբագրել կոդը]Արմեն Մանդակունյանը ծնվել է Երևանում։ Սովորել է Երևանի Չայկովսկու անվան երաժշտական դպրոցի ջութակի բաժնում։ Առաջին երաժշտությունը ստեղծել է Հովհաննես Թումանյանի քառյակներից մեկի համար.
- Երազումս մի մաքի
- Մոտս եկավ հարցմունքի.
- -Աստված պահի քո որդին,
- Ոն՞ց էր համը իմ ձագի…
1942 թվականին ընդունվել է Երևանի պարարվեստի ուսումնարան, զուգահեռ սովորել է քամանչա նվագել։ 1949 թվականին ընդունվել է Ռոմանոս Մելիքյանի անվան երաժշտական ուսումնարան, 1955 թվականին՝ Երևանի Կոմիտասի անվան պետական կոնսերվատորիա։
1957 թվականին Երիտասարդական 6-րդ համաշխարհային փառատոնին մասնակցելու համար ձևավորում է Եղեգնաձորի մարզային երգի ու պարի համույթը, որը կատարելով Մադակունյանի «Արփայի հովտում» ստեղծագործությունը, դառնում է փառատոնի ոսկե մեդալակիր։
1961 թվականին Մանդակունյանը հրավիրվում է զբաղեցնելու ժողովրդական արվեստի ընկերակցության տնօրենի պաշտոնը, կազմակերպում է հայ կոմպոզիտորների համերգը Կրեմլի դահլիճում, մեծ շուքով կազմակերպում է Սայաթ Նովայի ծննդյան 250-ամյակը։ Այս շրջանում Մանդակունյանը ստեղծում է «Անի», «Արաքսի ափին», «Վան», «Ղարաբաղ» ազգային երգերը[1]։ 1955-1974 թվականներին եղել է ԽՍՀՄ կոմպոզիտորների միության անդամ։ 1966 թվականին ղեկավարել է Հեռուստատեսության և ռադիոյի պետական նվագախումբը։
Խորհրդային տարիներին Մանդակունյանի երգերն արգելվել են Հայաստանում։ 1974 թվականից Մանդակունյանն ապրում և ստեղծագործում է ԱՄՆ-ում։ 1976 թվականին Հոլիվուդում հիմնադրել է Սպենդիարյան երաժշտական ակադեմիան, նույն թվականին Լոս Անջելեսում հիմնել է հայկական ժողովրդական նվագախումբ։ 1977 թվականից Ամերիկյան կոմպոզիտորների, հեղինակների ու հրատարակիչների ընկերակցության (ASCAP) անդամ է։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Պաշտոնական կայքը Արխիվացված 2016-03-03 Wayback Machine
- Արմեն Մանդակունյանի 60-ամյա ստեղծագործական գործունեության հոբելյանը
- Մուսա լեռան պարեղանակներ, մշակում, գործիքավորում՝ Արմեն Մանդակունյանի(չաշխատող հղում)
- Երգ երգոց նվիրված Արմեն Մանդակունյանին
| ||||||
- Ապրող անձինք
- 1934 ծնունդներ
- Հունվարի 19 ծնունդներ
- Երևանի պարարվեստի ուսումնարանի շրջանավարտներ
- Ռոմանոս Մելիքյանի անվան պետական երաժշտական քոլեջի շրջանավարտներ
- Երևանի Կոմիտասի անվան պետական կոնսերվատորիայի շրջանավարտներ
- Անձինք այբբենական կարգով
- Երաժիշտներ այբբենական կարգով
- Երևան քաղաքում ծնվածներ
- Հայ կոմպոզիտորներ
- Կոմպոզիտորներ այբբենական կարգով
- ԽՍՀՄ կոմպոզիտորների միության անդամներ