الجريمة و العقاب (روسى:Преступлéние и наказáние Prestupleniye i nakazaniye) هى رواية من كتابة فيودور دوستويفسكى بتعتبر من أعظم و اشهر روايته و الروايات فى العالم ، اتنشرت فى المجلة الادبيه الروسيه على 12 جزء فى سنة 1866 و بعدين اطبعت كرواية كاملة ، بتعتبر الرواية التانيه الكاملة بعد رجوعه من المنفى فى سيبيريا.الرواية مميزة انها بتناقش الجرايم و علاقتها بالمشاكل الاجتماعيه و الأخلاقية و اد ايه المشاكل دى ممكن تدفع الناس انهم يقتلوا او يتجنوا . الرواية بتدور احدثها فى مدينة سانت بطرسبورج , و بتركز على العذاب النفسى و المعضله الاخلاقيه لبطل الروايه روديون راسكولنيكوڤ، الشاب الفقير عزيز النفس اللى كان طالب متفوق فى كلية الحقوق قبل ما يسيبها بسبب فقره، اللى بيخطط و بيقتل ست عجوزة -بتستغل فقر الناس لمصلحتها- و تبريرات راسكولنيكوڤ لنفسه ان جريمته حتقدم خدمة للناس بالتخلص من الست المستغلة الشريرة و انه حيعمل خير بالفلوس دى فتكفر عن جريمته و فى نفس بيرتكب الجريمة عشان يختبر نظرية هو فكر فيها ان فيه ناس قادرة على الافعال دى و عندها الحق انها تعمل كده نفذ جريمته و ازاى اختار نهايته بنفسه. الرواية عملت تحليل نفسى لشخصية راسكولنيكوڤ و ده قبل ما سيجموند فرويد ما يؤسس مدرسة التحليل النفسى.الرواية اترجمت للغات كتير و اتحولت لافلام ، السينما المصريه انتجت الرواية تحت اسم ”سونيا والمجنون“.
تعريفات قاموسية فى ويكاموس
كتب من ويكى الكتب
رحلات من ويكى الرحلات
اقتباسات من ويكى الاقتباس
نصوص مصدرية من ويكى مصدر
صور وملفات صوتية من كومونز
أخبار من ويكى الأخبار.