بويتيوس
بويتيوس
| ||
| ||
| معلومات عامة | ||
| زيادة | ج. 480 روما (Kingdom of Italy) | |
| لموت | 524 (غريغوري) (43/44 عام) بابية (مملكة القوط الشرقيين) | |
| طريقة دلموت | لإعدام | |
| سباب لموت | قطيع الراس | |
| لجنسية | مملكة القوط الشرقيين | |
| لحرفة | فيلسوف، كاتب، عالم موسيقى، مُنظر موسيقى، سياسي، ماطيماتيسيان و موطرجيم | |
| لّوغات لي كيعرف | اللاتينية | |
| لفاميلة | ||
| لواليد | Manlius Boethius | |
| شريك | Elpis | |
| لولاد | Boethius Symmachus | |
| معلومات خرى | ||
| دين | لكنيسة الرومانية لكاطوليكية | |
| لأعمال |
| |
| تأتر ب | أفلوطين، فرفوريوس الصوري، أوغسطينوس، سينيكا الصغير، أرسطو و أفلاطون | |
  
| ||
أنيكيوس مانلوس سيويرينوس بويتيوس لمعروف ب ختيصار ب بويتيوس (مزيود ف جوايه 480، توفى ف 524)[1] كان سيناطور، قنصول، توارخي و فيلسوف روماني لي عاش ف لبدية د لقرون لوسطانية. كان أكبر لمساهمين ف لحاراكة د الطرجامة د لأعمال ليونانية لكلاسيكية من ليونانية لبالية ل اللاتينية، من اللوالا لي أسسو لفلسفة السكولاستية، و معا كاصيوضوروس Cassiodorus، كيتّعتابرو بجوج لقادا ديال الدارسين لمسيحيين د لقرن 6.[2]
بويتيوس تّولد ف روما، شي عيمان مورا ما طاحت لإمبراطورية الرومانية لغربية. كبر يتيم و رباه قنصول روماني سميتو سيماكوس. تقن ليونانية و اللاتينية من صغرو، و ولّا سياسي كبير تحت مملكة لڭوط الشرقيين. ف عمر د 25 عام خدا لمنصب د سيناطور، و على 33 عام ولّا قنصول. من بعد ختارو لماليك طيوضوريك لعضيم مستشار ديالو.
ف محاولة منو باش يوفّق مابين لفلسفة د أفلاطون و أرسطو معا اللاهوت لمسيحي، بويتيوس حاول باش يطرجم جميع لأعمال لكلاسيكية ليونانية ل اللاتينية. و كتب تا تحاليل و تعليقات على لأعمال ديال نيكوماكوس Nicomachus، پورفيريوص Porphyrios، و كيكيرو Cicero. كتب بزاف تا على لموسيقى، لماط، و اللاهوت. وخا ماقدرش يكمل الطرجامات ديالو قبل مايموت على عمر د 44 عام، هاد لخدمة لي دار عندها فضل كبير ف لمحافضة على لأعمال د أرسطو تال لفترة د لعاودولادة.
وخا كان ناجح ف لمناصب ديالو، بويتيوس خلق بزاف د لعديان بسباب فضحو ل لفساد بين لأعضاء د لحوكومة. بعدما دافع على كايكينا ألبينوس ضد تهمة ب لمشاركة ف مؤامرة، لماليك طيوضوريك شدو ف لحبس ف 523. فاش كان ف لحبس جاتو لغمة، و ألّف كتاب ديالو ب عنوان "على لمواساة د لفلسفة"، لي هوّ طريطي فلسافي على لمصير، لموت، و مسايل خرين، لي ولّا من أشهر لكتوبا د لفلسفة ف لبدية د لقرون لوسطانية.
ف 524، تم التعديب و لإعدام ديالو، و كيتّعتابر شهيد عند لكنايس لمسيحية.[3]
- ^ Marenbon 2003, p. 7.
- ^ Matthews 1981, p. 16.
- ^ Matthews 1981, p. 15.
- Bradshaw، David (2009)، "The Opuscula sacra: Boethius and theology"، ف Marenbon، John (إيديتور)، The Cambridge Companion to Boethius، pp. 105–128، doi:10.1017/CCOL9780521872669.006، ردمك 978-1139002493
- Matthews، John (1981). "Anicius Manlius Severinus Boethius". Boethius: His Life, Thought and Influence. Wiley-Blackwell. pp. 15–44. ردمك 978-0631111412.