شخصیتی عدم توازن کا عارضہ
| شخصیتی عدم توازن کا عارضہ | |
|---|---|
| مترادف | شخصیتی خرابی کا عارضہ |
 | |
| انٹرپرسنل کمپلیکس ظاہر کرتا ہے بارڈر لائن پرسنلٹی ڈس آرڈر | |
| اختصاص | نفسیاتئ امراض |
| علامات | حول کے ساتھ نا مربوط (فرد یا نوع) جو ناموافقت کے جذباتی ، عملی، جسمانی یا ذہنی ردّعمل سے دوچار [1] |
| عمومی حملہ | بچپن کے اختتام یا ابتدائی جوانی[1] |
| دورانیہ | طویل مدری[1] |
| وجوہات | غیر واضح[2] |
| خطرہ عنصر | جینیاتی، ثقافتی عوامل[2] |
| علاج | مشاورت[2] |
| تشخیض مرض | عموما کم امکان[2] |
| تعدد | 6–15فی صد[1] |
شخصیتی عدم توازن کا عارضہ ( PD ) دماغی عوارض کا ایک گروپ ہے جس کی بنیادی خصوصیات میں طویل مدتی طرز عمل، سوچ اور احساس کی خرابی شامل ہے۔ [1] یہ مخلتف انداز و سیاق و سباق میں ہوسکتا ہے جو اس شخص کے ثقافتی ماحول میں قابل قبول نہیں ہو تا ہے۔ [1] علامات اس حد تک ہوتی ہیں کہ کام کاج میں خلل پڑتا ہے یا واضح پریشانی ہوتی ہے۔ [2] اس کا آغاز عام طور پر بچپن کے اختتام یا ابتدائی جوانی میں ہوتا ہے۔ [1]
اس عارضہ کی بنیادی وجہ واضح نہیں ہے۔ [2] مگر اس میں جینیاتی اور ثقافتی عوامل شامل ہو سکتے ہیں۔ [2] شخصیت کے عوارض کو تین گروہوں A (سنکی)، B (ڈرامائی) اور C (پریشانی) میں تقسیم کیا گیا ہے۔ [2] گروہ اے میں پیرانائیڈ (بے اعتباری اور شبہ کا رجحان) ، شیزائڈ (پراگندہ دماغی) ، اور شیزوٹائپل شامل ہیں۔ گروہ B میں غیر سماجی ، ہسٹریونی(خلوص سے عاری دکھاوے کا برتاؤ) ، نرگسیت ، اور حد فاضل کا شخصیتی اختلال شامل ہیں۔ اور گروہ سی میں پرہیز ، انحصار ، اور جنونی مجبوری شخصیت کی خرابی شامل ہے۔ [2] تشخیص میں ان لوگوں سے معلومات اکٹھی کی جا سکتی ہیں جو اس شخص کو جانتے ہیں۔ [2]
علاج میں کسی شخص کو نیا رویہ اختیار کرنے کی تعلیم دینا شامل ہے۔ [2] اس میں سماجی مہارت کی تربیت، گروپ تھراپی ، علمی سلوک کی تھراپی رویے کی تھراپی ، یا سائیکو ڈائنامک سائیکو تھراپی شامل ہو سکتی ہے۔ [2] اگرچہ مخصوص ادویات کی منظوری نہیں دی گئی ہے، مگر کبھی کبھار اینٹی سائیکوٹکس ، لیتھیم ، یا یس ایس آر آئی کا استعمال کیا جا سکتا ہے۔ [2] علاج مشکل ہو سکتا ہے کیونکہ زیادہ تر لوگ خود کو خود کو مسئلہ کے طور پر نہیں دیکھتے ہیں۔ [2] حالت اکثر وقت کے ساتھ بہتر ہونے اور بگڑنے کے درمیان تبدیل ہوتی رہتی ہے، جبکہ کچھ عمر بڑھنے کے ساتھ کم متاثر ہوتے ہیں۔ [2]
تقریباً 6 سے 15 فیصد آبادی میں ایک شخصیتی خرابی کا عارضہ پایا جاتا ہے۔ [1] [2] گروہ اے تقریباً 3 سے 6 فیصد، گروہ بی تقریباً 1.5 فیصد، اور گروہ سی تقریباً 3 سے 9 فیصد کو متاثر کرتا ہے۔ [1] [2] مرد عام طور پر خواتین سے زیادہ متاثر ہوتے ہیں۔ [2] 5 ویں صدی قبل مسیح سے 20 ویں صدی تک شخصیت کو چار مائعات سے منسوب کیا گیا جیسا کہ ہپوکریٹس نے تجویز کیا تھا۔ [2] 1952 میں DSM-I نے 7 شخصیت کی خرابیاں درج کیں جو DSM-IV میں بڑھ کر 11 اور DSM5 میں 10 ہو گئیں۔ [2]
حوالہ جات
[ترمیم]- ^ ا ب پ ت ٹ ث ج چ ح American Psychiatric Association (2013)۔ Diagnostic and Statistical Manual of Mental Disorders (Fifth ایڈیشن)۔ Arlington, VA: American Psychiatric Publishing۔ صفحہ: 646–49۔ ISBN 978-0-89042-555-8۔ 26 جولائی 2020 میں اصل سے آرکائیو شدہ۔ اخذ شدہ بتاریخ 08 ستمبر 2017
- ^ ا ب پ ت ٹ ث ج چ ح خ د ڈ ذ ر ڑ ز ژ س ش ص K Fariba، V Gupta، E Kass (January 2020)۔ "Personality Disorder"۔ StatPearls۔ PMID 32310518 تأكد من صحة قيمة
|pmid=(معاونت)