السياسه بتشرح القواعد و الشروط اللى لازم كل اللى بيضيف أو يعدل فى ويكيبيديا مصرى يتبعها, السياسات بتبقى رسميه بعد نقاش و اتفاق عليها و ممكن تتعدل أو تتلغى بنفس الطريقه. لو عايز تقترح تعديل, لو سمحت اقترحه فى صفحة المناقشه.
الخرافات هيا محاوله لخداع الجمهور عشان يفتكرو ان حاجه موش حقيقيه هيا حقيقه, لأن ويكيبيديا "موسوعه ممكن أى حد يحريرها" فممكن إساءه استخدامها لعمل الخرافات و الخدع.
ما تخترعش خرافات
من فضلك ما تحاولش انك تحط معلومات خاطئه فى ويكيبيديا لاختبار قدرتنا على اكتشافها و مسحها, معظم الخدع بتتمسح و احيانا خلال ساعات قليله من إنشائها, و مع ذلك فيه خرافات معقده زى المقالات عن أفراد تاريخيين مختلقين بمعلومات سيره ذاتيه مفصله و مصادر مزيفه استمرت لسنوات قبل ما يتم اكتشافها, المقالات الخادعه ضرت بسمعه ويكيبيديا كموسوعه.
الخرافه او الخدعه هيا ببساطه شكل أكتر غموض و أقل وضوح من أشكال التخريب و اللى بيضفو لويكيبيديا بيتعرض الحظر, المعلومات المضلله على ويكيبيديا بتضلل القراء و بتخليهم يرتكبو أخطاء بعواقب حقيقيه بما فيها إيذاء المشاعر و الإحراج, الخرافات المتعلقه بناس لسا عايشه تعتبر تشهيريه, المقالات زى الموضوعات الطبيه (COVID-19 مثلا) ممكن تسبب الإصابه أو الوفاه.
التحقق
ويكيبيديا المواد محتاجه مصدر موثوق منشور, فى حاله الطعن بتكون مسؤليه المؤلف الأصلى عشان يثبت الادعاءات فى المقال.
التعامل مع الخدع و الخرافات
لو شفت مقاله أو صوره ممكن تكون خدعه او خرافه رشحها للمسح و حط السبب فى قالب المسح, لو اتبين بالفعل انها خدعه المسؤولين هيتصرفو معاها.
سياسات ويكيبيديا
ارشادات ويكيبيديا