亞洲

亞洲

亞細亞洲（南昌話：/ŋa²¹³ ɕi³⁵ ŋa²¹³ t͡siiu⁴²/，古希臘文：Ασία），又簡稱亞洲（南昌話：/ŋa²¹³ t͡siiu⁴²/），絕大部分都位到北半球，係全世界上最大，最多人嗰一隻洲。佢東頭一徑到白令海峽嗰傑日尼奧夫角（西經169度40分，北緯60度5分），南頭一徑到努沙登加拉群島（東經103度30分，南緯11度7分），西頭一徑到巴巴角（東經26度3分，北緯39度27分），北頭一徑到切柳斯金角（東經104度18分，北緯77度43分），最高嗰山係珠穆朗瑪峰。亞洲東西嗰時差係11小時。佢西首連到歐洲，箇就係世界上最大嗰大陸-歐亞大陸。

亞洲嗰東首係太平洋、北邊係北冰洋，南邊係印度洋，西首拕烏拉爾山脈、烏拉爾河、里海、高加索山脈、黑海、土耳其海峽及愛琴海跟歐洲分隔開，西南首隔到亞丁灣、曼德海峽、紅海、蘇伊士運河跟非洲相望，東北首隔到白令海峽跟北美洲相望。

「亞細亞」箇隻名字非常老，希臘人叫佢俚嗰東部（也有人話係日頭升起來嗰地方）「亞細亞」，箇可能係亞述人教佢俚嗰。

歷史

最早嗰蘇美爾文化就係亞洲嗰，另外像印度、中國、波斯嗰滴子古國都嘚亞洲嗰。

地理

全亞洲山地、高原跟丘陵佔到75%左右，平原25%。

佢嗰青藏高原係世界最高嗰高原，佢嗰死海係世界嗰最低點，佢嗰里海係世界最大嗰湖，佢嗰貝加爾湖係世界最深嗰湖。