佐敦道

佐敦道

佐敦道（英文：Jordan Road），舊時亦叫佐頓道，係香港九龍一條路，東起京士柏，向西經佐敦、官涌、渡船角到西九龍新填地海皮，近油麻地避風塘。佐敦道東西打通九龍半島南部，係呢帶主要嘅路。

史

佐敦道1887年起好，原本叫第六街。根據《南華早報》喺1909年5月31日刊登嘅一篇讀者來函，佐敦道以曾經做過英國駐華公使嘅朱邇典爵士命名。

原本條街只係去到佐敦道碼頭，家下渡船角嘅位置。因為1990年代香港要發展新機場，連帶九部半島西岸大幅填海，發展交通。所以佐敦道一直伸到去近新填地海邊嘅海寶路。