咪達唑侖
呢篇文講鎮靜安眠藥「咪達唑侖」。想搵其他意思嘅話，請睇藍精靈 (搞清楚)。 | 維基百科嘅醫學類文章只係提供參考，並唔係醫療意見。 閣下如果有任何關於健康嘅問題，請諮詢專業醫護人員。 |
咪達唑侖（英文：Midazolam），又稱為速眠安，俗稱藍精靈，常見品牌名包括：Dormicum、Hypnofast，屬於一類名為苯二氮卓類嘅藥物。可以用嚟治療發羊吊，提供麻醉效果同作為短期失眠管理，可以口服、靜脈注射、肌肉注射、噴入鼻腔、或者喺口腔黏膜吸收。好多國家都係屬於受管制藥物，需要醫生處方先至可以購買。
副作用
[編輯]咪達唑侖常見嘅副作用包括警覺性降低，頭暈同眼瞓。老年人較常出現協調問題（共濟失調）同混亂嘅副作用。當咪達唑侖同鴉片類藥物一齊使用嘅時候，高劑量嘅咪達唑侖可能會導致呼吸困難。
吸毒
[編輯]吸毒者通常將海洛英（白粉）同藍精靈混合注射使用，會引致血管阻塞，造成更大嘅危險性。不法分子為咗增加販毒利潤，自行配製藍精靈，並喺丸度混入大量雜質，對身體機能造成更嚴重傷害。
對身體的危害
[編輯]導致心理同生理依賴，出現恰眼瞓、定向障礙、講嘢唔清楚、協調缺失，血壓低，體温低、抑鬱甚至短暫失憶、失眠、發噩夢、作嘔、肌肉唔自覺地抽動、頭痛、精神緊張、情緒異常低落，甚至有自毀念頭。