彌迦書

《彌迦書》係《舊約聖經》嘅小先知書，天主教譯做《米該亞》。呢卷書有好多預言喺過咗幾百年之後獲得驚人應驗。呢卷書嘅作者係彌迦，佢嘅預言針對南方猶大國，佢向猶大人發出強烈嘅警告信息。

簡介

作者：彌迦
日期：公元前735年
地點：耶路撒冷

先知彌迦同以賽亞係同時代嘅人，佢來自南國猶大嘅鄉下。彌迦相信猶大將遭遇國難，同阿摩司預言北國將遭遇嘅相同，基於同一理由，上帝將懲罰人民嘅罪惡。不過彌迦傳嘅信息更明確提示將來嘅盼望。

呢卷書有特別值得注意嘅經文，例如描述上帝統治下普遍嘅和平（4章1-4節）；預言大衛家族將出現一位大君王，使國家獲得長治久安（5章2-4節）；又有一句名言，簡明綜合以色列多位先知嘅信息：「只要你行公義，好憐憫，存謙卑嘅心，與你嘅上帝同行。」（6章8節）