朱鎔基

朱鎔基
出世	1928年10月1號 中華民國湖南省長沙市
國籍	中國
出名原因	前中華人民共和國國務院總理 前中華人民共和國國務院副總理 前中國人民銀行行長 第十四同十五屆中共中央政治局常委

朱鎔基（粵拼：zyu1 jung4 gei1；簡化字：朱镕基；1928年10月1號—）係中國共產黨同中華人民共和國前領導人，做過國務院總理、副總理、中國人民銀行行長，又係第十四同十五屆中共中央政治局常委。湖南省長沙市人。佢係明太祖朱元璋嘅後代（祖先係岷莊王朱楩），祖籍安徽鳳陽。朱鎔基做事雷厲風行，有綽號叫「經濟沙皇」，佢又精簡政府機構，同時打擊貪污同走私活動，遠華集團走私案就係佢嘅傑作。

佢曾經講過一句說話：「我準備咗一百副棺材，九十九副畀貪官，一副留畀自己」，表示對貪污腐敗深惡痛絕。