石灰

石灰，又叫白灰，係含鈣嘅其中一類礦石、又或係用呢類礦石整出來嘅礦物，主要成係碳酸鈣、氧化鈣同氫氧化鈣。礦石主要石灰岩。係其實石灰來源唔單止係來自礦石，亦都可以係蠔殼、貝殼、珊瑚呢類有好多碳酸鈣嘅生物。氧化鈣通常叫做生石灰，而氫氧化鈣就叫做熟石灰。佢哋之所以分生熟，係因過處理過程嘅先後。

通常石灰都係講熟石灰，因為生石灰都幾危險下。

石灰係無論係起屋、化工定耕田都會用得，用途好廣泛。響史前時代人已經知道佢嘅用處。

制作

自然界通常係碳酸鈣，係用來做其他兩種石灰嘅材料。大自然嘅甲殼、石灰岩、石灰石等就係天然嘅石灰。要整其他石灰，傳統做法係就將材料整碎佢，同啲炭撈埋，放入個窰度，再放一浸乾草。個窰頂係通氣嘅，而窟底係有留窿畀空氣入。跟住就放火等佢燒，呢個時間就同個窟打氣，等佢燒旺啲，將所有石灰材料燒到好熱，大概攝氏825度到。燒夠六個鐘，石灰材料啲二氧化碳走晒出來，就變成鹼性都極之強嘅生石灰喇。生石灰可以強到揦爛嘢。呢個過程就係叫做熱分解。

等佢響個窰度攤凍一日，就剷晒佢出來，堆埋一堆，然後加水。咁就會有好多煙走出來，呢個時候，就變成熟石灰。熟石灰無生石灰鹼性咁強，但係仍然都幾強下。由佢等一日，等佢全部都轉晒做熟石灰。

最後用個篩將啲渣隔走，淨低落來嘅石灰就包埋來賣。

級數

石級可以跟佢粗幼分三級。最粗嘅係沙灰，用來批牆。其次係塵灰，用來批天花板。最幼嘅係上灰，用來整皮革。

用途

田落咗石灰就無咁酸，亦都可殺蟲。落落水度可以改善水質。整批蕩會用到。

石灰可以測試有冇二氧化碳嘅存在。如果石灰遇到二氧化碳，會形成乳白色固態物質，即係碳酸鈣，水亦會喺呢個時候形成。如果再繼續將二氧化碳加入去碳酸鈣同埋水嘅話，碳酸鈣同埋二氧化碳就會溶喺水裏面，而碳酸氫鈣就係呢個化學反應嘅產物。