蕭友梅

蕭友梅

蕭友梅（1884年1月7號—1940年12月31號），字思鶴，又字雪明，廣東香山人，中國音樂教育家及作曲家。有中國近代音樂教育之父之稱。

蕭友梅自細喺澳門接觸西方音樂。1899年，就讀廣州時敏學堂。1901年，留學日本，攻讀教育學、鋼琴及聲樂。1906年，加入同盟會。1910年，回國後響應清朝政府留學畢業會考，獲得文科舉人。無耐，留學德國，喺萊比錫大學及萊比錫音樂學院，攻讀哲學博士學位。博士論文係《17世紀以前中國管絃樂團的歷史研究》(1916)。1916年10月，入柏林大學哲學系及斯特恩音樂學院繼續研修。

1940年12月31號蕭友梅因為肺病喺上海過身，由國立音樂專科學校集資將佢安葬喺萬國公墓。1950年代發布遷墳公告，由於蕭友梅親屬未看到公告，導致蕭友梅墓地、墓碑（葉恭綽題寫嘅）遭夷平消失。2007年，喺北京香山腳下公主墳村蕭友梅家族墓地建立蕭友梅衣冠冢同紀念碑，俾公眾瞻仰憑弔。