趨同進化（英文：convergent evolution）係指唔同時代地區嘅唔同物種分別噉進化出類似嘅特徵。通常係因為呢啲物種嘅棲息地有某啲共通點，所以就有某啲共同嘅適應。
例如識飛嘅昆蟲、雀鳥同蝙蝠都有「識飛」呢樣特徵，但呢樣特徵唔係源於佢哋有個識飛嘅共同祖先，而係因為佢哋獨立噉有飛嘅需要所以先分別噉進化出呢樣特徵。
