輸血

輸血（粵拼：syu1 hyut3）係醫療入面將血或血液嘅部份成份由身體外面輸入，用嚟補充因出血性疾病或外科手術或其他原因令身體唔夠用嘅血。輸血時一般由靜脈輸入，但喺好緊急情況下先至會喺動脈輸入嚟加快改善全身狀況。

舊時輸血只可以係輸「全血」，但現代科技可以將血嘅各種成份（紅血球、白血球、血漿、血小板）分離，可以按住需要去輸。不過喺輸血之前有好嚴格嘅配血試驗而保證輸入合適嘅血型，喺輸血過程，重要遵守同輸液一樣嘅注意事項，同埋特別注意睇下併入有冇出現蕁麻疹、頭㷫、打冷顫、發燒、胸悶，呼吸困難或休克等呢啲輸血反應，一旦出現以上其中一種或以上情況，要馬上報告醫生及時處理。另外，輸血速度要嚴格遵照醫囑，唔可以太快，除非係搶救大出血病人時。