陳浩濂
陳浩濂（Chan Ho Lim, Joseph，1977年2月9號—），係現任財經事務及庫務局副局長（2017年8月16號上任），老頭陳兆安曾經做過路政署助理署長。
陳浩濂正職係渣打銀行 (香港)金融市場部董事總經理，2009年加入自由黨。
嚮2011年香港區議會選舉，陳浩濂出選山頂選區，打敗有意競逐連任嘅公民黨雙料議員陳淑莊，2012年上任區議員。
簡歷
[編輯]陳浩濂係現任跨國銀行環球市場部董事總經理，之前曾經喺業內擔任唔同嘅管理職位，主要負責亞洲區嘅金融機構業務。佢亦曾經喺多間專業或公共機構服務，包括香港財經分析師學會、金銀業貿易場同香港總商會，並分別喺2012年同2016年當選中西區區議員。2017年，陳浩濂因為出任財經事務及庫務局副局長，而辭任區議員，而佢嘅區議員席位就由黨友楊哲安繼承。
成員
[編輯]- 香港童軍總會：財務委員會-委員、九龍地域-副主席、九龍地域發展與領袖資源委員會-主席
- 香港大學：經濟金融學院行政人員師友計劃-導師
- 香港財經分析師學會（HKSFA）：持續培訓計劃委員會-委員、專業發展委員會-委員
- 香港證券專業學會（HKSI）：E-委員會-委員、證券及期貨從業員資格考試-試題評審員
- 金銀業貿易場：顧問
- 香港華仁舊生會：金融業聯誼會-召集人
馬主生涯
[編輯]陳浩濂同老頭陳兆安係香港賽馬會馬主，名下馬包括朗天、日東昇、日輝煌。