香港管弦樂團

香港管弦樂團（Hong Kong Philharmonic Orchestra），簡稱港樂（HKPO），又俾古典音樂發燒友叫HongKongPhil，係香港主要嘅管弦樂團。

香港管弦樂團前身係中英管弦樂團，喺1947年成立^[1]。1957年改組成為香港管弦樂團。改組之後，首場音樂會響同年10月31號香港大學陸佑堂舉行。1959年，曾經成立中國音樂組，由張永壽做指揮，但舉行過一次公開演出就解散咗。1974年，正式開始職業化，由當時市政局資助，係香港最早嘅職業化西樂管弦樂團。樂團有89位成員，每年有超過100場表演。樂團每年亦演出70幾場免費交響及室樂音樂會。為咗配合音樂教育計劃，響香港好多間大學舉行巡迴舉行交響音樂會，加上示範講解，令到大、中、小學生認識古典音樂。喺培育新人方面，樂團推行年度合作計劃，同香港演藝學院一齊培育專業音樂人才。

香港音樂家葉詠詩喺1986年至2000年7月間擔任香港管弦樂團駐團指揮。樂團現任音樂總監係荷蘭籍指揮梵志登，2012/13樂季上任。