𞤁𞤮𞤱𞤪𞤭 𞤥𞤭𞤧𞤭𞤪𞤢

𞤣𞤮𞤱𞤪𞤭 𞤥𞤭𞤧𞤭𞤪𞤢 (𞤳𞤮 𞤦𞤢𞤲𞤺𞤫 𞤱𞤮𞤪𞤺𞤮 𞤃𞤭𞤧𞤪𞤢⹁ 𞤭𞤲𞤢 𞤸𞤢𞤱𞤪𞤢 𞤫 𞤬𞤢𞤤𞤲'𞤣𞤫 𞤐𞤭𞥅𞤤 𞤼𞤮 𞤬𞤵𞤯𞤲𞤢𞥄𞤲'𞤺𞤫 𞤣𞤫𞤤𞤼𞤢 𞤫 𞤨𞤢𞤪𞤢𞤤𞤫𞤤 𞥓𞥐 𞤐. 𞤑𞤮 𞤯𞤵𞤥 𞤱𞤢𞤯𞤭 𞤭𞤲𞤢 𞤸𞤢𞤱𞤪𞤢 𞤫 𞤬𞤢𞤤𞤲'𞤣𞤫 𞤐𞤭𞥅𞤤 𞤬𞤮𞤬 𞤺𞤭𞤤𞤢 𞤑𞤢𞤰𞤢𞤴𞤯𞤭 𞤬𞤵𞤯𞤲𞤢𞥄𞤲'𞤺𞤫 𞤸𞤢𞥄 𞤥𞤢𞥄𞤴𞤮 𞤐𞤢𞤧𞥆𞤫𞤪 (𞤳𞤮 𞤦𞤢𞤪𞤢𞥄𞤧 𞤼𞤮𞥅𞤱𞤯𞤮 𞤀𞤧𞤱𞤢𞤲 𞤱𞤢𞤯𞤭).

𞤋𞤲𞤣𞤫

𞤉 𞤃𞤭𞤧𞤪𞤢 𞤩𞤮𞥅𞤴𞤯𞤮⹁ 𞤃𞤭𞤧𞤪𞤢 𞤼𞤮𞥅𞤱𞤯𞤮 𞤭𞤲𞤢 𞤢𞤲𞤣𞤭𞤪𞤢𞤲𞤮𞥅 ⹁ [𞥓] 𞤫 𞤯𞤫𞤥𞤲'𞤺𞤢𞤤 « 𞤤𞤫𞤴𞤣𞤭 𞤰𞤭𞤴𞤫 » 𞤱𞤢𞤤𞥆𞤢 « 𞤤𞤫𞤴𞤣𞤭 𞤰𞤭𞤴𞤫 »⹁ 𞤷𞤢𞤺𞥆𞤢𞤤 𞤰𞤭𞤴𞤫 𞤯𞤫 𞤨𞤵𞤯𞤢𞤼𞤢 𞤼𞤮𞥅𞤲 𞤯𞤫𞥅. [𞥔]

𞤉 𞤯𞤫𞤥𞤲'𞤺𞤢𞤤 𞤀𞤪𞤢𞤦⹁ 𞤣𞤭𞥅𞤱𞤢𞥄𞤲 𞤮𞥅 𞤱𞤭𞤴𞤫𞤼𞤫𞥅 𞤳𞤮 𞤅𞤢'𞤭𞤣 𞤱𞤢𞤤𞥆𞤢 𞤅𞤢𞤸𞤭𞥅𞤣 𞤬𞤭𞤪𞤼𞤭 𞤳𞤮 "𞤼𞤮𞥅𞤱𞤯𞤫"⹁ 𞤬𞤭𞤪𞤼𞤭 𞤳𞤮 𞤰𞤫𞥅𞤽𞤼𞤵𞤣𞤫⹁ 𞤰𞤫𞥅𞤽𞤣𞤫 𞤱𞤢𞤤𞥆𞤢 𞤰𞤫𞥅𞤽𞤼𞤵𞤣𞤫. 𞤒𞤭𞤥𞤩𞤫 𞤃𞤭𞤧𞤪𞤢 𞤼𞤮𞥅𞤱𞤲'𞤣𞤫 𞤭𞤲𞤢 𞤲'𞤺𞤢𞤲𞤣𞤭𞤪𞤢𞥄 𞤅𞤢𞥄𞤭𞤣𞤭⹁ 𞤭𞤲𞤢 𞤳𞤫𞥅𞤱𞤭 𞤸𞤢𞥄𞤤𞤣𞤫 𞤯𞤫𞤥𞤲'𞤺𞤢𞤤 𞤅𞤢𞥄𞤭𞤣𞤭 𞤃𞤭𞤧𞤪𞤢.

𞤃𞤭𞤧𞤪𞤢 𞤼𞤮𞥅𞤱𞤯𞤮 𞤭𞤲𞤢 𞤱𞤮𞤲𞤭 𞤸𞤢𞤳𞥆𞤵𞤲'𞤣𞤫 𞤳𞤢𞤼𞤢𞤪𞤢𞤳𞤼 𞤥𞤢𞥄𞤴𞤮 𞤐𞤭𞥅𞤤⹁ 𞤷𞤢𞤺𞥆𞤢𞤤 𞤀𞤧𞤱𞤢𞤲 𞤸𞤢𞤲𞤣𞤫 𞤮𞥅⹁ 𞤤𞤫𞤧 (𞤬𞤵𞤯𞤲𞤢𞥄𞤲'𞤺𞤫) 𞤸𞤢𞥄 𞤫 𞤣𞤭𞥅𞤱𞤢𞥄𞤲 𞤉𞤤-𞤀𞤴𞤢𞤭𞤼⹁[𞥕] 𞤥𞤮 𞤑𞤢𞤰𞤢𞤴𞤯𞤭 𞤸𞤢𞤲𞤣𞤫 𞤮𞥅 𞤱𞤮𞤲𞤭 𞤫 𞤲'𞤣𞤫𞤪 𞤃𞤭𞤧𞤪𞤢 𞤤𞤫𞤧 . 𞤊𞤫𞤷𞥆𞤫𞤪𞤫 𞤱𞤮𞤪𞤺𞤮 (𞤣𞤮𞤱) 𞤃𞤭𞤧𞤪𞤢 𞤚𞤮𞥅𞤱𞤲'𞤣𞤫⹁ 𞤸𞤢𞤳𞥆𞤵𞤲'𞤣𞤫 𞤅𞤮𞤸𞤢𞤺 𞤫 𞤉𞤤-𞤀𞤴𞤢𞤭𞤼⹁ 𞤭𞤲𞤢 𞤢𞤲𞤣𞤭𞤪𞤢𞥄 𞤳𞤢𞤣𞤭 𞤃𞤭𞤧𞤪𞤢 𞤸𞤢𞤳𞥆𞤵𞤲'𞤣𞤫𞥅𞤶𞤮.

𞤚𞤢𞤪𞤭𞤴𞤢

𞤋𞤲𞤢 𞤧𞤭𞤳𞥆𞤢𞥄 𞤳𞤮 𞤤𞤢𞥄𞤥𞤩𞤫 𞤱𞤮𞤲𞤩𞤫 𞤫 𞤑𞤮𞤲𞤬𞤫𞤣𞤫𞤪𞤢𞥄𞤧𞤭𞤴𞤮𞤽 𞤚𞤸𞤭𞤲𞤭𞤼𞤫 𞤫𞤲 𞤩𞤫 𞤲'𞤶𞤭𞤴𞤤𞤮𞤼𞤮𞤲𞤮𞥅 𞤳𞤮 𞤤𞤢𞥄𞤥𞤵𞥅𞤶𞤭-𞤣𞤮𞤱𞤤𞤢𞥄𞤶𞤭 𞤥𞤢𞤩𞥆𞤫 𞤤𞤵𞥅𞤤𞤲'𞤣𞤭𞥅𞤯𞤭 𞤯𞤵𞤥 𞤫𞤲 𞤫 𞤧𞤢𞤸𞤢𞥄 𞤐𞤢𞤺𞤢𞤣𞤢 𞤋𞥅𞤋 (𞤸𞤫𞤣𞥆𞤫 𞥓𞥒𞥐𞥐-𞥓𞥐𞥐𞥐 𞤳𞤮 𞤢𞤣𞤭𞥅 𞤶𞤭𞤦𞤭𞤲𞤫𞥅𞤣𞤫 𞤋𞥅𞤧𞤢𞥄)⹁ 𞤫 𞤸𞤢𞤱𞤪𞤵𞤺𞤮𞤤 𞤥𞤢𞤺𞥆𞤮𞤤 𞤷𞤢𞤺𞥆𞤢𞤤 𞤯𞤵𞥅𞤥 𞤫 𞤃𞤭𞤧𞤪𞤢 𞤤𞤫𞤧⹁ 𞤯𞤵𞤥 𞤢𞤣𞥆𞤢𞤲𞤭 𞤯𞤵𞤥 𞤂𞤢𞥄𞤥𞤵𞥅𞤶𞤭 𞤺𞤢𞤣𞤢𞤲𞤭 𞤱𞤢𞤳𞤢𞤼𞤭. [𞥖] 𞤃𞤭𞤧𞤪𞤢 𞤼𞤮𞥅𞤱𞤯𞤮 𞤫 𞤤𞤫𞤧𞤯𞤮 𞤲'𞤦𞤢𞤯𞤼𞤭 𞤶𞤮𞤳𞥆𞤮𞤲'𞤣𞤭𞤪𞤣𞤫 𞤫 𞤥𞤢𞥄𞤲'𞤣𞤫 𞤲'𞤶𞤭𞥅𞤥𞤢𞥄𞤲'𞤣𞤭 𞤬𞤭𞤪𞤢𞥄𞤱𞤲𞤢 𞤸𞤮𞤲𞤮 𞤳𞤵𞤯𞤮𞤤 𞤯𞤭𞤯𞤥𞤮𞤤 𞤆𞤧𞤷𞤸𞤫𞤲𞤼. [𞥗] 𞤃𞤭𞤧𞤪𞤢 𞤼𞤮𞥅𞤱𞤯𞤮 𞤮𞥅 𞤸𞤫𞤣𞥆𞤭𞥅 𞤳𞤮 𞤫 𞤲𞤮𞤳𞥆𞤵 𞤣𞤢𞥄𞤪𞤼𞤮𞤤 𞤸𞤢𞤴 𞤷𞤢𞤺𞥆𞤢𞤤 𞤶𞤢𞤥𞤢𞥄𞤲𞤵 𞤑𞤭𞤤𞤢𞥄𞤧𞤭𞥅𞤳.

𞤃𞤭𞤧𞤪𞤢 𞤳𞤮 𞤢𞤣𞤭𞥅 𞤤𞤢𞥄𞤥𞤵

𞤏𞤵𞤪𞤮 𞤥𞤢𞤱𞤲'𞤺𞤮 𞤫 𞤲'𞤣𞤫𞤪 𞤃𞤭𞤧𞤪𞤢 𞤼𞤮𞥅𞤱𞤯𞤮 𞤳𞤮 𞤢𞤣𞤭𞥅 𞤼𞤢𞥄𞤪𞤭𞥅𞤲'𞤣𞤭 𞤳𞤮 𞤐𞤫𞤳𞤸𞤫𞤲. [𞥘] 𞤂𞤢𞥄𞤥𞤯𞤮 𞤪𞤫𞥅𞤲𞤮𞥅𞤱𞤮 𞤮𞥅 𞤳𞤮 𞤤𞤢𞥄𞤥𞤯𞤮 𞤣𞤫𞤦𞥆𞤮 𞤦𞤭𞤴𞤫𞤼𞤫𞥅𞤯𞤮 𞤐𞤫𞤳𞤸𞤦𞤫𞤼⹁ 𞤸𞤮𞤤𞥆𞤭𞤪𞤢𞥄𞤯𞤮 𞤲𞤮 𞤲'𞤦𞤮𞤪𞤮𞤧 𞤲𞤭𞥅. [𞥙]

𞤖𞤫𞤣𞥆𞤫 𞥓𞥖𞥐𞥐 𞤳𞤮 𞤢𞤣𞤭𞥅 𞤶𞤭𞤦𞤭𞤲𞤫𞥅𞤣𞤫 𞤋𞥅𞤧𞤢𞥄. 𞤉 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥐 𞤳𞤮 𞤢𞤣𞤭𞥅 𞤶𞤭𞤦𞤭𞤲𞤫𞥅𞤣𞤫 𞤋𞥅𞤧𞤢𞥄⹁ 𞤪𞤫𞤲𞤣𞤮𞥅𞤶𞤭 𞤉𞤶𞤭𞤨𞤼𞤲𞤢𞥄𞤩𞤫 𞤱𞤮𞤲𞤩𞤫 𞤫 𞤥𞤢𞥄𞤴𞤮 𞤐𞤭𞥅𞤤 𞤼𞤵𞥅𞤻𞤭𞥅 𞤳𞤮 𞤫 𞤲'𞤣𞤫𞤥𞤢 𞤤𞤫𞤯𞥆𞤫 𞤫 𞤪𞤫𞤥𞤣𞤫 𞤣𞤢𞥄𞤦𞤢𞥄𞤶𞤭. [𞥑𞥐] 𞤇𞤮𞥅𞤴𞤼𞤢𞥄𞤲𞤭 𞤃𞤭𞤧𞤪𞤢 𞤬𞤵𞤯𞥆𞤭𞥅 𞤥𞤢𞤱𞤲𞤵𞤣𞤫 𞤫 𞤩𞤫𞤴𞤣𞤢𞥄𞤣𞤫 𞤧𞤢𞤯𞤼𞤵𞤣𞤫. [𞥑𞥑] 𞤆𞤮𞥅𞤯𞤫 𞤳𞤫𞤧𞤫 𞤷𞤫𞥅𞤪𞤼𞤵𞤯𞤫 𞤨𞤫𞥅𞤻𞤭𞥅⹁ 𞤶𞤮𞤱𞤭𞤼𞤭𞥅𞤯𞤫 𞤫 𞤧𞤫𞤪𞤢𞥄𞤥𞤭𞤳 𞤂𞤫𞤾𞤢𞤲𞤼𞤭𞤲𞤫⹁ 𞤳𞤵𞥅𞤼𞤮𞤪𞤯𞤫 𞤲'𞤶𞤢𞤥𞤲'𞤣𞤭 𞤫 𞤨𞤢𞤯𞤫 𞤯𞤫𞥅 𞤲'𞤺𞤮𞤲𞤭 𞤳𞤮 𞤸𞤫𞥅𞤱𞤭. [𞥑𞥑] 𞤑𞤢𞤪𞤢𞤤𞥆𞤢𞥄𞤺𞤢𞤤 𞤥𞤢𞤸𞤣𞤭 𞤃𞤫𞤧𞤮𞤨𞤮𞤼𞤢𞤥𞤭𞤴𞤢𞤲𞤳𞤫𞥅𞤱𞤢𞤤 𞤱𞤮𞤲𞤼𞤭 𞤳𞤮 𞤩𞤵𞤪𞤭 𞤸𞤫𞥅𞤱𞤣𞤫⹁ 𞤸𞤵𞥅𞤼𞤮𞤪𞤢𞥄𞤣𞤫 𞤦𞤭𞤪𞤭𞤳 𞤢𞤣𞤮𞤦𞤫 𞤴𞤮𞥅𞤪𞤯𞤮 𞤲𞤢𞥄𞤲'𞤺𞤫 𞤫 𞤲'𞤣𞤫𞤪 𞤢𞤪𞤷𞤸𞤫𞤧 𞤫 𞤥𞤢𞤸𞤣𞤭𞥅𞤶𞤭 𞤨𞤢𞤱𞤢𞥄𞤯𞤭.

𞤃𞤭𞤧𞤪𞤢 𞤤𞤢𞥄𞤥𞤵

𞤉 𞤲'𞤣𞤫𞤪 𞤥𞤢𞥄𞤲'𞤣𞤫𞥅𞤶𞤭 𞤤𞤢𞥄𞤥𞤯𞤮⹁ 𞤃𞤭𞤧𞤪𞤢 𞤼𞤮𞥅𞤱𞤯𞤮 𞤭𞤲𞤢 𞤸𞤮𞤤𞥆𞤭𞤪𞤢 𞤳𞤵𞤯𞤮𞤤 𞤖𞤫dj𞤫𞤼 𞤣𞤢𞤲𞤫𞥅𞤶𞤮 𞤥𞤢𞤱𞤲'𞤺𞤮𞤤⹁ 𞤤𞤮𞤼𞤵𞤧 𞤨𞤵𞤯𞤭⹁ 𞤫 𞤧𞤫𞤣𞤺𞤫. 𞤀𞤤𞥆𞤢 𞤥𞤵𞤥 𞤺𞤢𞤪𞤣𞤭𞤲𞤮𞥅𞤯𞤮⹁ 𞤸𞤮𞤲𞤮 𞤐𞤫𞤳𞤸𞤦𞤫𞤼⹁ 𞤳𞤮 𞤲'𞤦𞤮𞤪𞤮𞤧 𞤮𞥅 𞤤𞤮𞤥𞤼𞤭𞤲𞤭𞤪𞤭 𞤯𞤵𞤥. 𞤕𞤢𞤺𞥆𞤢𞤤 𞤣𞤫𞤲𞤼𞤢𞤤⹁ 𞤤𞤢𞥄𞤥𞤩𞤫 𞤪𞤫𞥅𞤲𞥆𞤮𞥅𞤩𞤫 𞤃𞤭𞤧𞤪𞤢 𞤼𞤮𞥅𞤱𞤯𞤮 𞤫 𞤤𞤫𞤧𞤯𞤮⹁ 𞤲'𞤣𞤢𞤪𞤼𞤭𞤲𞤢𞥄𞤥𞤢 𞤫 𞤲'𞤣𞤫𞤪 𞤲'𞤦𞤢𞥄𞤣𞤭 𞤂𞤢𞥄𞤥𞤩𞤫 𞤯𞤭𞤯𞤮⹁ 𞤲'𞤺𞤢𞤥 𞤪𞤫𞥅𞤲'𞤣𞤫 𞤣𞤫𞤲𞤣𞤢𞥄𞤲'𞤺𞤢𞤤 𞤃𞤭𞤧𞤪𞤢𞤲𞤢𞥄𞤩𞤫 𞤩𞤮𞥅𞤴𞤩𞤫⹁ 𞤲𞤮 𞤳𞤵𞤩𞤫𞥅𞤶𞤫 𞤯𞤭𞤯𞤭 𞤯𞤫𞥅 𞤳𞤢𞤱𞤪𞤭𞤪𞤢𞥄 𞤫 𞤲'𞤣𞤫𞤪 𞤤𞤢𞤴𞤤𞤢𞤴𞤼𞤮𞤤 𞤺𞤮𞥅𞤼𞤮𞤤 𞤲𞤭𞥅.

𞤂𞤢𞥄𞤥𞤵𞥅𞤶𞤭 𞤳𞤫𞥅𞤱𞤯𞤭 𞤭𞤱𞤣𞤭 𞤃𞤭𞤧𞤪𞤢 𞤬𞤵𞤯𞤲𞤢𞥄𞤲'𞤺𞤫 𞤱𞤢𞤤𞥆𞤢 𞤣𞤮𞤱⹁ 𞤭𞤲𞤢 𞤶𞤫𞤴𞤢𞥄 𞤸𞤫𞥅𞤲 𞤤𞤢𞥄𞤥𞤵𞥅𞤶𞤭 𞥑𞥑⹁ 𞥑𞥒⹁ 𞥑𞥗⹁ 𞥑𞥘⹁ 𞤫 𞥒𞥕⹁ 𞤳𞤢𞤱𞤪𞤭𞤼𞤭𞥅 𞤫 𞤧𞤫𞤥𞤦𞤭𞤲'𞤣𞤫 𞤃𞤭𞤧𞤪𞤢 𞤬𞤭𞤪𞤢𞤱𞤲𞤢 𞤷𞤢𞤺𞥆𞤢𞤤 𞤧𞤢𞤸𞤢𞥄𞤶𞤭 𞤨𞤫𞤷𞥆𞤭𞤼𞤢𞤺𞤮𞤤. [𞥒𞥗]

𞤑𞤮 𞤩𞤵𞤪𞤭 𞤸𞤫𞥅𞤱𞤣𞤫 𞤫 𞤣𞤢𞥄𞤪𞤼𞤮𞤤 𞤃𞤭𞤧𞤪𞤢 𞤩𞤮𞥅𞤴𞤲'𞤺𞤮𞤤⹁ 𞤚𞤫𞤦𞤫𞤧 𞤳𞤮 𞤲𞤮𞤳𞥆𞤵 𞤲'𞤶𞤵𞤩𞥆𞤵𞤣𞤭 𞤤𞤢𞥄𞤥𞤵 𞤃𞤭𞤧𞤪𞤢 𞤼𞤮𞥅𞤱𞤯𞤮. 𞤕𞤢𞤺𞥆𞤢𞤤 𞤲'𞤣𞤫 𞤀𞤧𞤭𞤪𞤭𞤴𞤢𞤽𞤳𞤮𞥅𞤩𞤫 𞤦𞤮𞤲𞥆𞤭 𞤯𞤵𞤥⹁ 𞤲𞤢𞤬𞤮𞥅𞤪𞤫 𞤃𞤭𞤧𞤪𞤢 𞤵𞤧𞤼𞤭𞥅. 𞤉 𞤲'𞤣𞤫𞤪 𞤤𞤢𞥄𞤥𞤵 𞤆𞤼𞤮𞤤𞤫𞤥𞤴⹁ 𞤆𞤼𞤮𞤤𞤫𞤥𞤢𞤭𞤧 𞤖𞤫𞤪𞤥𞤭𞤮𞤵 𞤰𞤫𞤼𞥆𞤭 𞤣𞤢𞤪𞤲'𞤣𞤫 𞤤𞤢𞥄𞤥𞤮𞤪𞤺𞤮 𞤤𞤫𞤴𞤣𞤭 𞤉𞤶𞤭𞤨𞤼 𞤼𞤮𞥅𞤱𞤲'𞤣𞤭. [𞥒𞥘]

𞤏𞤭𞤯𞤼𞤮 𞤱𞤢𞤯𞤢𞥄𞤲'𞤺𞤮 𞤫 𞤸𞤭𞤼𞤢𞥄𞤲'𞤣𞤫 𞥒𞥐𞥐𞥕 𞤫 𞤥𞤢𞤱𞤩𞤫 𞤚𞤸𞤫𞤦𞤢𞤲 𞤸𞤮𞤤𞥆𞤭𞤼𞤭𞥅 𞤱𞤮𞤲'𞤣𞤫 𞤸𞤫𞤣𞥆𞤭𞥅𞤩𞤫 𞤫 𞤥𞤵𞤥𞥆𞤭𞥅𞤶𞤭 𞤭𞤲𞤢 𞤲'𞤶𞤮𞤺𞤭𞥅 𞤸𞤭𞤧𞤼𞤮𞤤𞤮𞤺𞤭𞤫 "𞤸𞤮𞤤𞥆𞤭𞤼𞤮𞥅𞤱𞤮 𞤩𞤢𞤤𞤲'𞤣𞤵 𞤩𞤢𞤤𞤫𞥅𞤪𞤵." [𞥒𞥙]

𞤃𞤭𞤧𞤪𞤢 𞤸𞤢𞤳𞥆𞤵𞤲'𞤣𞤫𞥅𞤶𞤮

𞤉 𞤼𞤫𞥅𞤥𞤭𞤲𞤢𞤲𞤣𞤫 𞥑𞥑𞤩𞤭𞥅𞤪𞤫⹁ 𞤣𞤵𞤪𞤮𞥅𞤩𞤫 𞤸𞤫𞥅𞤱𞤩𞤫⹁ 𞤢𞤲𞤣𞤭𞤪𞤢𞥄𞤩𞤫 𞤖𞤭𞤤𞤢𞥄𞤤𞤭 𞤫𞤲⹁ 𞤲'𞤣𞤮𞤺𞤭 𞤼𞤮 𞤃𞤭𞤧𞤪𞤢 𞤼𞤮𞥅𞤱𞤯𞤮⹁ 𞤲'𞤶𞤢𞤸𞤭 𞤦𞤢𞤲𞤺𞤫 𞤸𞤭𞤪𞤲𞤢𞥄𞤲'𞤺𞤫⹁ 𞤲𞤢𞥄𞤼𞤭 𞤂𞤭𞤦𞤭⹁ 𞤨𞤢𞤴𞤭 𞤚𞤵𞥅𞤲𞤵𞤧. [𞥓𞥐] 𞤅𞤢𞤪𞤯𞤭𞥅𞤶𞤭 𞤣𞤵𞤪𞤲'𞤺𞤮𞥅𞤶𞤭 𞤦𞤮𞤲𞤯𞤭 𞤫 𞤲'𞤣𞤫𞤪 𞤃𞤭𞤧𞤪𞤢 𞤼𞤮𞥅𞤱𞤯𞤮⹁ 𞤶𞤮𞤳𞥆𞤮𞤲'𞤣𞤭𞤪𞤯𞤭 𞤫 𞤬𞤵𞤯𞥆𞤮𞥅𞤣𞤫 𞤴𞤮𞤲𞤼𞤢𞥄𞤶𞤭 𞤲'𞤺𞤵𞤤𞤫𞥅𞤳𞤭 𞤸𞤢𞤳𞥆𞤵𞤲'𞤣𞤫𞥅𞤶𞤭⹁ 𞤭𞤲𞤢 𞤷𞤭𞤳𞥆𞤢 𞤳𞤮 𞤯𞤵𞤥 𞤱𞤮𞤲𞤭 𞤧𞤢𞤦𞤢𞥄𞤦𞤵 𞤥𞤢𞤱𞤯𞤮 𞤫𞤺𞥆𞤵𞤺𞤮𞤤 𞤲'𞤺𞤮𞤤. [𞥓𞥑]

𞤚𞤫𞥅𞤥𞤭𞤲𞤢𞤲𞤣𞤫 𞥒𞥐𞤩𞤭𞥅𞤪𞤫 𞤉𞤶𞤭𞤨𞤼

𞤉 𞤼𞤫𞥅𞤥𞤭𞤲𞤢𞤲𞤣𞤫 𞥒𞥐𞤩𞤭𞥅𞤪𞤫 𞤉𞤶𞤭𞤨𞤼⹁ 𞤼𞤭𞥅𞤼𞤮𞥅𞤲'𞤣𞤫 𞤂𞤢𞥄𞤥𞤯𞤮 𞤅𞤢’𞤭𞤣 (𞤥𞤢𞥄𞤲𞤢𞥄 𞤂𞤢𞥄𞤥𞤯𞤮 𞤃𞤭𞤧𞤪𞤢 𞤚𞤮𞥅𞤱𞤯𞤮) 𞤳𞤮 𞤪𞤮𞤲𞤮𞥅𞤱𞤮 𞤶𞤢𞤨𞥆𞤫𞥅𞤪𞤫 𞤤𞤢𞥄𞤥𞤵 𞤃𞤭𞤧𞤪𞤢 𞤸𞤵𞥅𞤼𞤮𞤪𞤼𞤮𞥅. [𞤚𞤫𞤧𞤳𞤮 𞥑]

𞤖𞤢𞤴 𞤧𞤮 𞤼𞤢𞤱𞤭𞥅 𞤂𞤢𞥄𞤥𞤵 𞤉𞤶𞤭𞤨𞤼 𞤥𞤵𞤥𞤼𞤢𞥄𞤥𞤢 𞤷𞤢𞤺𞥆𞤢𞤤 𞤱𞤮𞤤𞤣𞤫 𞤃𞤭𞤧𞤪𞤢 𞥑𞥙𞥕𞥒⹁ 𞤼𞤭𞥅𞤼𞤮𞥅𞤲'𞤣𞤫 𞤲'𞤣𞤫𞥅 𞤭𞤲𞤢 𞤶𞤮𞤳𞥆𞤭 𞤸𞤵𞥅𞤼𞤮𞤪𞤫𞥅𞤣𞤫 𞤫 𞤃𞤵𞤸𞤢𞤥𞥆𞤢𞤣𞤵 𞤀𞤤𞤭⹁ 𞤤𞤢𞥄𞤥𞤯𞤮 𞤅𞤢’𞤭𞤣.