14 Aurigae
Coordenaes: 
5h 15m 24.394s, 32° 41′ 15.36″
14 Aurigae (14 Aur / HD 333959 / HR 1706)[11] ye un sistema estelar na constelación d'Auriga de magnitú aparente media +5,01. Alcuéntrase a 268 años lluz del Sistema Solar.
La estrella primaria del sistema, 14 Aurigae A, ye una subxigante blanca de tipu A9IV.[11] Con una temperatura efectivo de 7670 K, relluma con una lluminosidá 59 vegaes mayor que la lluminosidá solar. El so radiu ye 4,4 vegaes más grande que'l radiu solar y xira sobre sigo mesma con una velocidá de rotación proyeutada de 27 km/s, lo qu'implica un periodu de rotación inferior a 8 díes. Tien una masa 2,4 vegaes mayor que la masa solar.[12] Ye una variable Delta Scuti —polo que ye conocida tamién cola denominación de KW Aurigae— que'l so periodu principal ye de 2,11 hores; la so variación de rellumu ye de 0,13 magnitúes.[13]
La subxigante tien una compañera espectroscópica —la so duplicidá ye conocida pol desplazamientu Doppler de los sos llinies espectrales— que'l so periodu orbital ye de 3,794 díes. Probablemente ye una nana naranxa de baxa masa. La separación averada ente estos dos componentes ye de 0,07 UA.[12]
Visualmente a 10 segundos d'arcu de 14 Aurigae puede reparase una estrella de magnitú aparente +11 (14 Aurigae B),[14] magar se cree que dicha estrella a cencielles coincide na mesma llinia de visión pero nun forma parte del sistema.[12]
Sicasí, una segunda estrella visualmente a 14 segundos d'arcu de 14 Aurigae A, denomada 14 Aurigae Ca,[15] sí ta físicamente rellacionada con ella. Ye, de la mesma, una binaria espectroscópica con un periodu orbital de 2,99 díes, onde la componente principal tien tipu espectral F3V. Asumiendo que la compañera apenes contribúi a la lluminosidá conxunta, la estrella F3V, con una temperatura de 6900 K, tien un radiu 1,9 vegaes mayor que'l radiu solar y una lluminosidá 7 vegaes mayor que la del Sol. La separación ente les dos estrelles que formen 14 Aurigae Ca ye de 0,05 UA.[12]
Finalmente, el telescopiu espacial Hubble dexó reparar una fonte de lluz ultravioleta a 2 segundos d'arcu de 14 Aurigae Ca. Ye una nana blanca caliente con una temperatura de 42.000 K y que'l so tamañu sería comparable al de la Tierra. Denominada 14 Aurigae Cb, completaría una órbita alredor de 14 Aurigae Ca cada 1600 años —siendo ésti una llende inferior—. De la mesma, el subsistema 14 Aurigae Ca-Cb emplegaría más de 20.000 años en completar una órbita en redol a la brillosa 14 Aurigae A.[12]
Referencies
[editar | editar la fonte]- ↑ Peter Philip Eggleton (setiembre 2008). «A catalogue of multiplicity among bright stellar systems» (n'inglés). Monthly Notices of the Royal Astronomical Society (2): páxs. 869–879. doi:.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ 3,0 3,1 3,2 Afirmao en: SIMBAD.
- ↑ Afirmao en: General Catalogue of Variable Stars.
- ↑ 5,0 5,1 5,2 5,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Ulrich Bastian (marzu 2000). «Catálogo Tycho-2». Astronomy and Astrophysics: páxs. L27-L30.
- ↑ «Ca II HK emission in rapidly rotating stars» (n'inglés). Astronomy and Astrophysics (3): páxs. 1099–1107. xineru 2009. doi:.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ Marwan Gebran (mayu 2016). «A new method for the inversion of atmospheric parameters of A/Am stars» (n'inglés). Astronomy and Astrophysics. doi:.
- ↑ «A Spectroscopic Classification Survey to Search for New ρ Puppis Stars». The Astronomical Journal (1). xunetu 2020. doi:.
- ↑ 11,0 11,1 V* KW Aur -- Variable Star of delta Sct type (SIMBAD)
- ↑ 12,0 12,1 12,2 12,3 12,4 14 Aurigae /Stars, Jim Kaler)
- ↑ KW Aurigae (General Catalogue of Variable Stars)
- ↑ BD+32 922B -- Star in double system (SIMBAD)
- ↑ BD+32 922C -- Star in double system (SIMBAD)
Coordenaes: 5h 15m 24.394s, 32° 41′ 15.36″
Datos: Q2608301