VI^vet kantved

I^añ milved kt JK | I^añ milved | Eil milved

501	502	503	504	505	506	507	508	509	510
511	512	513	514	515	516	517	518	519	520
521	522	523	524	525	526	527	528	529	530
531	532	533	534	535	536	537	538	539	540
541	542	543	544	545	546	547	548	549	550
551	552	553	554	555	556	557	558	559	560
561	562	563	564	565	566	567	568	569	570
571	572	573	574	575	576	577	578	579	580
581	582	583	584	585	586	587	588	589	590
591	592	593	594	595	596	597	598	599	600
Gwelet ivez : Roll ar C'hantvedoù, Sifroù roman

D'ar 1añ Genver 501 e krog ar VI^vet kantved hag echuiñ a ra d'an 31 Kerzu 600.

Darvoudoù

Amerika

Sevenadur Thule kozh en Alaska (500-1100), diorroet gantañ un armerzh azas ma c'hoari ar balumeta ur rol diazez (treantoù, goafioù). Chaseet e vez ivez ar reuniged, ar c'holeoù-mor, ar c'hariboued hag ar jiboez pluñv. Implijet e vez stlejelloù kaset war-bouez chas ha kayakoù. Kinklet eo ar priajoù implijet e kêriadennoù pad enno tiez goañv difuet mat. Ostilhoù war blakennoù mein.
Trede marevezh ar gantennered (Basketmaker III, 500-700) e mervent ar Stadoù-Unanet. Kavet e vez kêriadennoù enno betek un 50 ti damzouaret bennak staliet war savennoù nepell eus plaenennoù beuzadus ma kresk maiz, koulourdrennoù ha fav.
A-us da diez ar Basketmaker III e kaver grignolioù stokañ. Degaset ez eus biroù ha gwaregoù da gemer lec'h ar spegoù hag ar bizhier-bannañ.
Poderezh-pri a zo degaset e kêriadennoù ar Basketmaker III dre ar sevenadur Mogollon amezek (priaj gris, kinklet a-wechoù gant tresoù du hag echuet dre lintrañ).
Bog Teotihuacán. E Mec'hiko eo Teotihuacán c'hwec'hvet kêr ar bed gant e-tro 200 000 a dud.

Afrika zu

Degouezhet eo ar Vantoued e Suafrika gant an houarn hag ar chatal doñvaet.
Kêr gentañ Zimbabwe, a orin bantou evit doare, etre ar VI^vet hag an VIII^vet kantved.
Sevenadurioù araokaet e traoñienn ar Senegal.
War zisteraat ez a rouantelezh Aksoum (VI^vet-VII^vet kantved). Testeniekaet eo al levezon Yuzev enni. Kollet eo ganti he ferc'henniezhioù en Arabia ha, gant emled an Islam, e vo rediet d'en em dreiñ trema ar su.
Goude diskar Meroe, ez eus savet teir rouantelezh kristen e Nubia hag e Soudan an Nil, harpet gant Bizantiz : rouantelezh Nobatia en norzh (Ballana e gêr-benn ), Makourra e Nubia (Dongola e gêr-benn) hag Alodia (Aloa, kêr-benn Soba, e su ar 6vet dourlamm e Soudan. Padout a raint betek ar XIV^vet-XV^vet kantved. Aduidi ar feiz kristen koptek eo Nubiz evit ar pep brasañ.
Dongola, kêr-benn Makourra, eo poent loc'h pistenn an Tchad dre an Darfour.

Azia-greiz

Bodet eo priñselezhioù Tibet dindan aotrouniezh ar roue Gnya-khri anezhañ ur Penn eus traoñienn strujus ar Yarlung, adstêr an Tsangpo (Brahmapoutra). Skoulmet e vo gant e vab darempredoù gant India ha Sina ; d'ar mare-se eo bet krouet kêr Lhassa. E dibenn ar c'hantved e kas Namri Songtsen, roue Tibet, ur politikerezh emledañ dre heg. Taget e vez ar pobloù war an harzoù gant India ha Sina ha karavanennoù hent ar seiz.
Savidigezh Boudaoù ramzel manati roc'hellek Bâmiyân en Afghanistan, eus 35 ha 53 metr sav (VI^vet-VII^vet kantved]]). Alaouret e oa an delwennnoù kinklet gant dilhadoù prizius.
Krouet Akademiezh Gundeshapur, kentañ akademiezh bed ar reter en Iran gant Khosrau I^añ Persia.
Troet eo istorioù boudaat Jataka e Perseg dre urzh ar roue zoroastrat Khosrau.

Indez

Ren a ra an tierniezhioù Châlukya war rann gornôkañ Indez hag an Dekkan betek 1297. Dilechiet eo ar gêr-benn eus Aiholi da Bâdâmi gant an diazezer Pulakeshim I^añ (550-760). Mont a raio e warlerc'hidi betek ar Gudjarat ha bro Andhra hag int ober o renkoù enno.
Krouiñ a ra Pushyabhuti tierniezh ar Vardhamanaed a ren e Thaneshwar, e-kichen Lahore (Pundjab). Dont a raio a-benn Prabhakara-Vardhana, unan eus e ziskennidi, mab d'ur briñsez Gupta, da astenn e levezon goude bezañ kaset da benn argadegoù a-enep d'an Huned.

Reter-Pellañ

E Korea e teu ar voudaegezh da vezañ un nerzh galloudus; awenet don eo ganti buhez speredel hag arzel Silla.
552 : Eus Baekje (Korea) e tremen ar voudaegezh da Japan; mont a raio da greñvaat al luskad darvoudoù emdreiñ ar marevezh Asuka.
Mont a ra da get rouantelezh Funan (e su Viêt-Nam).
Freuz ha reuz en Azia abalamour d'ar Vosenn zu.
Tre ez a ar voudaegezh Zen e Viêt-Nam, adalSina.

Europa ar C'hornôg

Treuzvevañs ar reizhiad armerzhel roman e Europa ar c'hornôg.
Sinagogoù e Pariz hag Orleañs. Yuzevien zo e Marselha.
Bourc'hioù dilezet e Norzh Europa abalamour d'an dourioù-beuz. Kollet o douaroù ganto e tivro ar pobloù german trema ar c'hornôg. En em staliañ a reont e reter Enez Vreizh (Bro-Saoz hiziv) hag, evit darn, e Galia.
Emsavadeg ar Vrezhoned a-enep an Angled (VI^vet-VII^vet) e rouantelezh Strathclyde (su Skos, hanternoz Bro-Saoz), orin mojenn ar roue Arzhur.
Barzhoniezh en Iwerzhon; treuzskrivet eo danevelloù-meur an hengoun keltiek. E Kembre en em stumm mojenn Arzhur maget m'eo gant dibun an emgannoù dizehan a-enep an Angled. Kaoter ar strujuster, an traezoù marzhus, an harozed hag o zroioù-kaer zo temoù keltiek anezho.
Kregiñ a ra alouberien ha trevadennerien iwerzhonat, ar Skosed da zivroañ da Galedonia (diwezhatoc'h e teuio da vezañ Bo-Skos)
Krouet eo manati Glendalough, Wicklow, Iwerzhon gant sant Kevin
Troet bibl Wulfila evit ar C'hoted. Koshañ diell ar bed germanek e vije.
Takad Aargau a-vremañ a gouezh etre daouarn ar Franked.
Kentañ tierniezh danat war enez Sjaelland. Skjördr, kentañ roue tierniezh ar Skjöldungar e Danmark.
Paotr Grauballe, aberzhet e-tro 500 ha laosket en un daouarc'heg eus Danmark hag adkavet miret en ur stad peurvat pelloc'h.
Oberiantiz porzh Helgö e Sveden e-pad marevezh Vendel.
Dizoloet ez eus bet e Helgö (enez el lenn Mälar, e Sveden), traezoù deuet eus Meurvor Indez, deiziataet eus ar VI^vet kantved (Bouda arem bihan, kregin).
Donoc'h ez a hent ar seiz en Europa, ha krog eo ar sidanerezh eno.

Europa ar reter

Bulgared Kutriguri en em stailh e Roumania a-vremañ.
Diazezet eo Karantania, kentañ Stad Slovenat ha slav stabil ha dizalc'h.
Rouesoc'h eo an dornioù labour e maezioù an Impalaeriezh Vizantat (e-tro 500) ha, da c'houde, chagadur. Nebeutoc'h-nebeutañ a sklaved nevez a vez. En arvar emañ an domanioù bras, re an Iliz peurgetket. En em gavout a ra Yann Gouer en ur stad dereat a-walc'h, skoazellet m'eo gant ar Stad a zistegn he c'hrog. N'eo ket ken stag an drevadennerien ouzh o zamm douar ken. E-kreiz ar c'hantved e kroger da skañvaat bec'h an tailhoù. Berzh a ra renkad an "emphyteoted", anezho tud bet laosket un dachenn dezho war meur a rummad pe da viken en eskemm d'ur feurm izel, diwar-goust an Iliz.
Savet ez eus lec'hioù kreñv difennet gant kaelioù koad ha pri e Polonia (castra).
Barroù bosenn zu e Kergustentin hag er peurrest eus an Impalaeriezh roman.

Tud dibar

E Spagn ez eus ganet ur rouantelezh kreñv hag unvan diwar kemmesk etre ar Wizigoted ha tud ar vro. Marevezh strujus. Izidor Sevilha eo gouziekañ den ar mare; lennet ha studiet e vo e oberennoù a-hed ar Grennamzer.
Pab Gregor Veur (590-604)
Trec'het an Angled hag ar Saksoned gant ar roue Arzhur
Justinian, Impalaer bizantat (527-565)
Belisarius, diwezhañ jeneral roman meur
Gregor Teurgn (e-tro 538-594?)
Beowulf, roue (mojennel ?) ar C'hGeated
Jordanes, aozer ar Getica.
Procopius, istorour.
Abraham Kidunaia
Austell

Ijinadennoù, kavadennoù, degasadennoù

Y Gododdin, skridoù e kembraeg e vije ar c'hosañ meneg eus ar Roue Arzhur
Krouet gant Dionysius Exiguus reizhiad an Anno Domini awenet gant ganedigezh Jezuz, e 525. War ar reizhiad-mañ emañ diazezet an deiziadur juluan, an gregorian hag ar marevezh kristen.
Ijinet eo c'hoari ar backgammon (nard) e Persia gant Burzoe
Degaset eo an echedoù da Bersia eus India ma vint kemmet
Implijet eo an harnez bruched evit ar c'hezeg er rouantelezh frank
Deuet eus Sina, mestroniet eo teknologiezh ar seiz gant an impalaeriezh vizantat