Abilene, Texas

Abilene, Texas
Epónimo	Abilene (pt)
Localización
	32°26′47″N 99°44′44″O / 32.4464, -99.7456
Estado	Estados Unidos de América
Estado federado	Texas
Condado	Condado de Jones (pt)
Capital de	Condado de Taylor (pt)
Poboación
Poboación	125.182 (2020) (431,18 hab./km²)
Número de fogares	43.607 (2020)
Xeografía
Situado na entidade territorial estatística	Abilene metropolitan area (en) (Poboación:176.579)
Superficie	290,32185 km²
Auga	4,8246 % (1 de abril de 2010)
Altitude	524 m
Creación	1881
Organización política
• Mayor of Abilene, Texas (en)	Weldon Hurt (en) (2023–)
Identificador descritivo
Código postal	79601–79608 e 79697–79699
Fuso horario	hora estándar do centro
Prefixo telefónico	325
Outro
Irmandado con	Corinto ; Río Cuarto
Sitio web	abilenetx.com

Para outras páxinas con títulos homónimos véxase: Abilene.

Abilene é unha cidade de Texas (Estados Unidos) e capital do condado de Taylor. Tiña 115.930 habitantes no 2001.

Lingua, orixe da poboación e relixión

Lingua materna: 85% inglés, 12,8% castelán, 0,5% alemán, 0,3% tagalo.
Orixe: 18,6% hispano, 10,7% alemán, 9,8% inglés, 8,7% irlandés, 8% afroamericano, 2,6 % francés, 2,1% norteirlandés, 1,9% asiático, 1,5% holandés, 1,5% italiano, 1,1% nativoamericano, 1% polaco.

A Igrexa Baptista, a Igrexa de Cristo e a Igrexa Metodista son as principais confesións da cidade.

Historia

A cidade foi establecida en marzo de 1881 como un apeadoiro da liña de ferrocarril Texas-Pacífico. Antes do establecemento do ferrocarril a área de Abilene estivo ocupado esporadicamente por indios nómades e forzas militares norteamericanas. Máis tarde chegaron os cazadores de búfalos e os rancheiros. Arredor de 1870 os indios foron expulsados. O anuncio en xaneiro de 1881 da fundación pola compañía de ferrocarril, dunha cidade á beira da liña de ferrocarril entre o Pacífico e Texas atrae a centos de colonos que chegan para participar na poxa dos terreos, os lotes foron adxudicados o 15 de marzo de 1881. O 2 de xaneiro de 1883 a cidade vota integrarse nos Estados Unidos. O 23 de outubro de 1883 Abilene convértese na capital do condado de Taylor. A electricidade chega en 1891, o teléfono en 1898 e o gas natural en 1914.

O establecemento en 1940 da base militar de Camp Barkeley cambiou a vida da cidade, os 60.000 soldados adestrados aquí modificaron a economía da cidade ata que a fin da segunda guerra mundial supuxo o peche da base. Pero en 1952 estableceuse a base aérea de Dyess. Entre 1951 e 1955, 903 novos pozos de petróleo foron descubertos na zona de influencia da cidade. En 1978 púxose fin á Lei seca que viña rexendo dende 1903.

Economía

A economía da cidade está sustentada na produción de petróleo, ademais a cidade actúa como centro de distribución, comercio, industria, transporte e educación dunha área que cobre 22 condados de Texas.

O aeroporto rexional e a Base da Forza Aérea de Dyess, localizada ao oeste da cidade, proporcionan emprego a 4.000 persoas, entre civís e militares. Nas tres universidades da cidade estudan 10.000 alumnos.

Medios de comunicación

14 emisoras de radio, 6 estacións de televisión e 1 xornal.

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.