Abjad
She corys screeuee eh abjad, as ny cowraghyn ("lettyryn") echey cowraghey corockle; t'eh er y lhaihder ny breeocklyn y chur stiagh.[1][2] Hug roish Peter T. Daniels yn ennym abjad, ayns ynnyd jeh'n çhenn ennym corys screeuee corocklagh ny shillabaght, as eshyn jannoo ymmyd elley jeh shillabaght.[3]
Ta Daniels rheynn abjadyn jeh abbyrlhittyn er y fa nagh vel breeocklyn mastey cowraghyn bunneydagh y chorys screeuee. T'eh rheynn ad jeh abugidaghyn (possan noa elley jeant echey) er y fa dy vel ny scarreydee oc reihyssagh, as cha nel ad ry-akin ayns screeu focklymagh, ny ayns screeu cadjin noadyr, son y chooid smoo. Ayns abugida, shegin dhyt breeocklyn y chowraghey dagh keayrt; as ayns shillabaght rere meenaghey Ghaniels, ta ny cowraghyn cowraghey slane shillab, dy ghra myr shen, breeockle ny lomarcan, ny corockle ny lomarcan, ny cochiangle jeu.
Abjadyn
[reagh | edit source]Ta dagh ooilley abjad as fys er ain jeh sliught y chynney coryssyn screeuee Semittagh, as nyn drooid jeh Proto-Sinaitagh as jalloo-screeueyrys Egyptagh. Va'n abbyrlhit Feaneeckagh y fer cadjin s'leaie; cha row agh mysh feed cowrey echey, as myr shen, v'eh aashagh ynsaghey eh, cosoylaghey rish coryssyn elley v'ayn as ymmodee cowraghyn oc. Rish y traa, haink coryssyn elley jeh, goaill stiagh yn abbyrlhit Greagagh as yn abjad Aramaagh. Va'n abjad Aramaagh ny hennayr ymmodee abjad as abugida 'syn Aishey.
Imraaghyn
[reagh | edit source]- ↑ Omniglot. Abjads / Consonant alphabets. Feddynit er 2009-05-22. "Abjads, or consonant alphabets, represent consonants only, or consonants plus some vowels. Full vowel indication (vocalisation) can be added, usually by means of diacritics, but this is not usually done."
- ↑ Encyclopædia Britannica Online (Baarle). writing (2009). Feddynit er 2009-05-13.
- ↑ Daniels, Peter T.; et al. (1996). The World's Writing Systems, 4.
 |
She bun ta'n art shoh. Cur rish, son foays y yannoo da Wikipedia. |