Abu Dzar Al-Ghiffari

Jundub bin Junadah bin Sakan (Arab: جُندب بن جَنادة) utawa luwih kaloka kanthi jeneng Abu Dzar al-Ghifari utawa Abizar al-Ghifari ya iku sahabat Muhammad.

Biografi

Abu Dzar asalé saka suku Ghifar (kaloka minangka panyamun ing mangsa sadurungé tekané Islam). Dhèwèké nganut agama Islam kanthi sukarela, dhèwèké salah siji sahabat kang luwih ndisik nganut agama Islam. Dhèwèké nekani Muhammad langsung ing Mekah saperlu mratelakake kaislamane.

Sawisé mratelakake kaislamane, dhèwèké ngubengi Mekah saperlu mbengokake yèn dhèwèké sawijining muslim nganti dhèwèké dikepruki suku Kurès. Amarga ditulungi Abbas bin Abdul Muthalib, dhèwèké dibebasake suku Kurès, sawisé suku Kurès mangerteni yèn wong kang dikepruki iku saka suku Ghifar. Dhèwèké mèlu meh kabèh pertempuran-pertempuran semangsane Muhammad gesang.

Wong-wong kang lumebu Islam lumantar dhèwèké, ya iku: Ali-al-Ghifari, Anis al-Ghifari, Ramlah al-Ghifariyah.

Dhewke kaloka setya banget marang Rasulullah. Kasetyane dibuktèkaké kanthi sosok prsaja iki ing sawijining lelungan wadyabala Muslim tumuju medan Perang Tabuk nglawan kakaisaran Bizantium. Amarha keledaine lemes, dhèwèké lila lumaku sinambi mikul gawanane. Nalika iku ana kedadeyan pucuking mangsa panas.

Dhèwèké keselen lan ambruk ing ngarepe Nabi SAW. Nanging Rasulullah gumun amarga kantong banyune isih kebak. Sawisé ditakoni kenapa dhèwèké ora ngumbe banyune, tokoh kang uga kerap ngritik pangwasa sapenake dhéwé iki kandha, "Ing lelunganku iki, aku nemu tuk.

Aku ngombé banyu iku nanging mung sithik lan aku ngrasa énak banget. Sawisé iku, aku supata ora bakal ngumbe banyu iku manèh sadurungé Nabi SAW ngunjuk." Kanthi rasa trenyuh, Rasulullah ngendika, "Sira teka ijèn, sira urip ijèn, lan sira bakal mati sajeroning kaijènan. Nanging sarombongan wong saka Irak kang saleh mbesuk bakal ngurus panguburanmu." Abu Dzar Al Ghifary, sahabat setya Rasulullah iku, ngabdi kanggo Islam selawase urip.

Réferènsi

Summarized Sahih Al Bukhary, Islamic University Al Madinah Al Munawarah

Pranala njaba

Pranala Singah

Pranala Sunni

Short biographical sketch
About his asceticism Archived 2005-02-20 at the Wayback Machine.
The power of belief Archived 2005-02-22 at the Wayback Machine.