Adélaïde Labille-Guiard
| Adélaïde Labille-Guiard | |
|---|---|
| |
| Persona informo | |
| Naskiĝo | 11-an de aprilo 1749 en Parizo |
| Morto | 24-an de aprilo 1803 (54-jaraĝa) en Parizo |
| Lingvoj | franca |
| Ŝtataneco | Francio 
|
| Familio | |
| Edz(in)o | François-André Vincent (mul)  (1799–)
|
| Okupo | |
| Okupo | pentristo miniaturist (en) vidartisto artisto
|
| Verkoj | Madame de Selve faisant de la musique Memportreto |
Adélaïde LABILLE-GUIARD [adelaID laBIL GIar] (n. la 11-an de aprilo 1749, m. la 24-an de aprilo 1803) estis franca pentristino de portretoj kaj historio.
Biografio
[redakti | redakti fonton]Adélaïde Labille naskiĝis en Parizo, Francio, filino de mercero. Ŝi studis miniaturo-pentradon kun François-Elie Vincent, kaj oleo-pentradon kun lia filo François-André. Ŝiajn fruajn verkojn ŝi ekspoziciis ĉe la Akademio Saint-Luc, kaj post ĝia fermiĝo en 1776, ĉe la Salon de Correspondance.
En 1769 ŝi edziĝis kun Louis-Nicolas GUIARD, sed ili apartiĝis en 1777, post kiam ŝi gajnis ŝian vivtenon instruante pentradon.
Je la 31-a de majo 1783 Labille-Guiard aniĝis la francan "Reĝan Akademion pri Pentrado kaj Skulpturo" (Académie Royale de Peinture et de Sculpture), samtempe kiel tri aliaj pentristinoj, inkluzive de Élisabeth Vigée Le Brun kies "Memportreto kun pajla ĉapelo" ege influis ŝian fruan majstroverkon "Memportreto kun du lernantinoj" (bildigata dekstren).
Pro la aŭspicio de Adélaïde, onklino de la reĝo Ludoviko la 16-a, Labille-Guiard gajnis registaran pension de mil livres (pundoj), kaj mendojn pentri portretojn de Adélaïde kaj aliaj parencoj de la reĝo. Pro tiuj reĝaj ligoj, Labille-Guiard iĝis politike malfidinda post la Franca Revolucio de 1789, kaj en 1793, oni ordonis al ŝi detruigi iujn el ŝiaj reĝismaj verkoj. Tamen ŝi ne estis vere konservativa: dum la fruaj 1790-oj ŝi kampanjis por la malfermo de la Akademio al virinoj. Ĉe la Salon de 1791 ŝi ekspoziciis portretojn de anoj de la revolucia Nacia Asembleo, inkluzive de Maximilien de Robespierre.
En 1793 ŝi kaj sia edzo eksedziĝis. En 1795 ŝi akiris loĝejon ĉe la Luvro (Louvre) kaj pension de 2.000 livres. En 1800 ŝi edziĝis kun sia instruisto François-André Vincent. Ŝi mortis la 24-an de aprilo 1803.
Eksteraj ligiloj
[redakti | redakti fonton]- Société Internationale pour l'Étude des Femmes de l'Ancien Régime
- Biografio de Adélaïde Labille-Guiard Arkivigite je 2016-08-05 per la retarkivo Wayback Machine el la TTT-ejo de la Société Internationale pour l'Étude des Femmes de l'Ancien Régime