Adolfo Campos Panadeiros
| Biografía | |
|---|---|
| Nacemento | 1 de agosto de 1934  Dozón, España |
| Morte | 24 de maio de 2021 (86 anos) Santiago de Compostela, España |
 Alcalde de Dozón | |
| 1987 – 2020 ← Manuel Crespo Vázquez – Adolfo Campos Vázquez → | |
| Actividade | |
| Lugar de traballo | Dozón |
| Ocupación | empresario, político |
| Partido político | Partido Popular |
| Membro de | |
| Familia | |
| Fillos | Adolfo Campos Vázquez |
 | |
Adolfo Campos Panadeiros, nado en Dozón o 1 de agosto de 1934 e finado en Santiago de Compostela o 24 de maio de 2021,[1] foi un empresario e político galego, alcalde de Dozón de 1987 a 2020.
Traxectoria
[editar | editar a fonte]Emigrou a Venezuela. Retornou a mediados dos sesenta e instalouse en Lalín, invertendo co seu irmán Ovidio en negocios de hostalería e espectáculos e despois nunha fábrica de pensos. Como empresario foi presidente de Nucamsa e administrador do Matadoiro Comarcal de Deza Lalín, ademais de rexentar unha gasolineira.
Comezou a súa carreira política como concelleiro de Lalín en 1976. Afiliouse á UCD e nas primeiras eleccións democráticas presentouse no segundo posto desa candidatura en Lalín e foi elixido concelleiro. En 1983 encabezou a lista do Partido Galeguista á alcaldía de Dozón que acadou cinco concelleiros, pero non obtivo a maioría. Nas eleccións municipais de 1987 foi o cabeza de lista de Independentes de Dozón, que aínda que só obtivo 3 dos once concelleiros, grazas a unha tripla alianza logrou proclamarse alcalde. Conseguiu a maioría absoluta nas municipais de 1991, xa no Partido Popular. Desde entón revalidou sempre a maioría. Foi condenado por prevaricación en febreiro de 2008 a nove anos de inhabilitación por adoptar unha serie de resolucións contrarias aos dereitos da funcionaria municipal Ana Lois Navaza, que o denunciou por acoso laboral.[2] Logo da apelación de Campos, a Audiencia Provincial declarou en xullo de 2008 a nulidade parcial da sentenza e o reenvío da causa ao Xulgado do Penal para que ditase unha nova resolución.[3]
En novembro de 2015 foi detido no marco da Operación Qatedra,[4] pedindo días despois a súa baixa como militante do PP, e continuando na alcaldía como non adscrito, se ben volveu a encabezala candidatura popular no 2019.
En xuño de 2020 dimitiu de alcalde e de concelleiro, por razóns de saúde, e foi substituído na alcaldía polo seu fillo Adolfo Campos Vázquez. Campos Vázquez xa viña presidindo os plenos municipais uns meses antes, precisamente pola saúde do pai.[5]
O 21 de xullo de 2020 foi condenado pola Audiencia de Pontevedra a dous anos de prisión e o pago dunha multa de 1080 euros como autor do delito continuado de falsidade en documento público. Tamén foron condenados o exsecretario e unha exconcelleira e tesoureira.[6]
| Predecesor: Manuel Crespo Vázquez |
Alcalde de Dozón 1987 - 2020 |
Sucesor: Adolfo Campos Vázquez |
Vida persoal
[editar | editar a fonte]Casou con María Vázquez Diéguez e foi pai de Adolfo, Mónica e Alejandro Campos Vázquez.
Notas
[editar | editar a fonte]- ↑ Muere el exalcalde de Dozón Adolfo Campos
- ↑ "Os socialistas esixen que Adolfo Campos deixe de ser alcalde" Arquivado 16 de agosto de 2016 en Wayback Machine., artigo en Galicia Hoxe, 26 de marzo de 2008.
- ↑ "Anulada a sentenza de inhabilitación do rexedor de Dozón", artigo en Vieiros, 9 de xullo de 2008.
- ↑ O BNG de Dozón esixe a dimisión de Adolfo Campos e o seu fillo tras a súa detención, La Voz de Galicia, 29/11/2015.
- ↑ "Adolfo Campos deja la Alcaldía de Dozón tras 33 años en el cargo". www.farodevigo.es. Consultado o 2020-06-26.
- ↑ "La Audiencia condena al exalcalde de Dozón a dos años de prisión". www.lavozdegalicia.es. Consultado o 2020-07-23.
Véxase tamén
[editar | editar a fonte]Bibliografía
[editar | editar a fonte]- Barrera, F., ed. (2002). Gallegos. Quién es quien en la Galicia del siglo XXI. El Correo Gallego. ISBN 84-8064-113-4.
