Alexander Wittek

Alexander Wittek (* 12. Oktober 1852 in Sisak; † 11. Mai 1894 in Graz) weer en öösterrieksch-ungaarsch Architekt un Schachspeler.

Leven

Wittek weer hööftsächlich as Architekt in Bosnien un Herzegowina wiels de öösterrieksch-ungaarsch Monarkie tätig. So hett he ünner annern dat Raathuus vun Sarajevo entworfen.

Wittek weer aber ok Schachmeester: 1880 in Graz keem he up den veerten Platz vör Berger, J. Schwarz, Emil Schallopp un Noa. 1881 in Berlin reck he den deelten 5.-6. Platz in den 2. DSB-Kongress vör ünner annern Johannes Minckwitz, Joseph Schwarz, Johann Berger un Louis Paulsen. Sieger wurr dormals Joseph Henry Blackburne. 1882 in Wien keem he up den 9. Platz un bleev dormit noch vör Michail Tschigorin un Henry Edward Bird un annern. Wittek is in en psychiatrisch Krankenhuus in Graz in dat Johr 1894 storven, nahdem man bi hüm en "paralytische Geisteskrankheit" faststellt harr. De Ümstände vun sien Dood sünd aber ümstreeden: Een Born^[1] seggt, dat Wittek Sülvstmord begahn hett. Dorgen verklort de Klinik vun Graz, dat Wittek dor an Tuberkulose storven is^[2].

Literatur

P. Feenstra Kuiper: 100 Jahre Schachturniere, 1964 W. Ten Have N.V., Amsterdam, ahn ISBN

Weblenken

Spelerprofil up chessmetrics.com
Partien vun hüm up chessgames.com

Enkeld Nahwiesen

↑ Sarajevo - Bosnia and Herzegovina – Attractions, sarajevo-guide.com, afropen an’ 15. April 2012 http://www.sarajevo-guide.com/attractions.htm, Allagedelly because of his work on the City hall construction (1892-1893), Wittek got mentally sick and committed a suicide so the work on the City hall was completed in 1894 by Ćiril M. Iveković with minor modifications of Wittek’s work.
↑ KlinOptikum, Utgaav 6/2007, Landeskrankenhaus – Universitätsklinikum Graz, PDF, afropen an’ 14. April 2012, http://www.klinikum-graz.at/cms/dokumente/10189446_5731542/b5b60091/KlinOptikum6_07.pdf#page=10&view=Fit&highlight=75,330,200,150

[1] Sarajevo - Bosnia and Herzegovina – Attractions, sarajevo-guide.com, afropen an’ 15. April 2012 http://www.sarajevo-guide.com/attractions.htm, Allagedelly because of his work on the City hall construction (1892-1893), Wittek got mentally sick and committed a suicide so the work on the City hall was completed in 1894 by Ćiril M. Iveković with minor modifications of Wittek’s work.

[2] KlinOptikum, Utgaav 6/2007, Landeskrankenhaus – Universitätsklinikum Graz, PDF, afropen an’ 14. April 2012, http://www.klinikum-graz.at/cms/dokumente/10189446_5731542/b5b60091/KlinOptikum6_07.pdf#page=10&view=Fit&highlight=75,330,200,150

[1]

[2]