Ama Kandida
| Ama Kandida | |
|---|---|
 | |
| Bizitza | |
| Jaiotzako izen-deiturak | Juana Josefa Cipitria y Barriola |
| Jaiotza | Berrozpe baserria, 1845eko maiatzaren 31 |
| Herrialdea | Gipuzkoa |
| Heriotza | Salamanca, 1912ko abuztuaren 9a (67 urte) |
| Hezkuntza | |
| Hizkuntzak | gaztelania |
| Jarduerak | |
| Jarduerak | moja |
| Santutegia | |
| Abuztuaren 9 | |
| Sinesmenak eta ideologia | |
| Erlijioa | Erromatar Eliza Katolikoa |
| figliedigesuitalia.com… | |
Juana Josefa Zipitria Barriola (Berrozpe baserria, Andoain, 1845eko maiatzaren 31 – Salamanca, 1912ko abuztuaren 9a), Santa Kandida Maria Jesuskoa edo Ama Kandida eliza izenez ezagunagoa, gipuzkoar lekaimea izan zen, Jesusen Alabak ordenaren sortzailea[1]. 2010eko urriaren 17an kanonizatu zuen Benedikto XVI.a aita santuak[1][2].
Bizitza
[aldatu | aldatu iturburu kodea]Juana Josefa Zipitria Barriola Andoaingo Berrozpe baserrian jaio zen, 1845eko maiatzaren 31n. 1852an familia Tolosara aldatu zen; gurasoek ehundegian lan egiten zuten bitartean, Juanak ahizpa gazteak zaintzen zituen. 1863 aldean, 18 urte zituela, Burgosera joan zen neskame, eta Valladolidera geroago[3][4].
Valladolideko Rosarillo elizan ezagutu zuen Miguel San José Herranz jesuita erabakigarria izan zen Juana Josefaren bokazioan. Neska gazteek heziketarako aukera urriak zituztela-eta kezka handia zuenez, hezkuntzari eskainitako kongregazio bat sortzea erabaki zuen. Eragozpen asko saihesturik, 1871ko abenduaren 8an Jesusen Alabak kongregazioa fundatu zuen Salamancan, beste bost emakumerekin batera[3]. Lehenbiziko ikastetxea Salamancan bertan ireki zuten, 1874an[4]. Laster, Arévalo, Peñaranda de Bracamonte, Segovia eta Medina del Campo zabaldu zituzten eskolak; Euskal Herriko lehenbizikoa Tolosakoa izan zen, 1888an irekia. 1911n, Brasilen sortu zuten ikastetxe bat[5].
Ama Kandida 1912an hil zen, Salamancan. 1996ko maiatzaren 12an Joan Paulo II.ak dohatsu aitorturik, 2010eko urriaren 17an Benedikto XVI.ak santu izendatu zuen[1].
Erreferentziak
[aldatu | aldatu iturburu kodea]- ↑ a b c Benedikto XVI.a aita santuak Ama Kandida andoaindarra santu egin du. gara.naiz.eus (Noiz kontsultatua: 2017-8-9).
- ↑ 'Ama Kandida' ya es santa. diariovasco.com (Noiz kontsultatua: 2017-8-9).
- ↑ a b Candida María de Jesús, Ama Kandida. jesuitinasdonostia.com (Noiz kontsultatua: 2017-8-9).
- ↑ a b Cipitria Barriola, Juana Josefa. aunamendi.eusko-ikaskuntza.eus (Noiz kontsultatua: 2017-8-9).
- ↑ Villalta, Xavier. Cándida María de Jesús. catholic.net.
Kanpo estekak
[aldatu | aldatu iturburu kodea]
Datuak: Q289872
Multimedia: Cándida María de Jesús / Q289872