Ana de Castro Egas
| Biografía | |
|---|---|
| Nacemento | século XVI  Valdepeñas, España |
| Morte | valor descoñecido |
| Actividade | |
| Ocupación | escritora, poetisa, biógrafa |
| Xénero artístico | Poesía |
| Descrito pola fonte | A Biographical Dictionary of the Celebrated Women of Every Age and Country |
 | |
Ana de Castro Egas, nada en Valdepeñas a finais do século XVI e residente en Madrid, foi unha poeta e biógrafa española do Século de Ouro. En 1629 publicou Eternidad del Rey Don Filipe tercero Nuestro Señor, el Piadoso, obra adicada a realzar a figura do rei Filipe III de España[1]
Traxectoria
[editar | editar a fonte]Foi membro da Corte Real. De nena coñeceu o infante Fernando de Austria, Príncipe de Asturias, e despois formou parte do círculo íntimo da Casa Real e íntima amiga da familia de Francisco de Sandoval y Rojas, duque de Lerma.[1]
Sobre ela escribiron poemas e prosas laudatorias escritores da súa época, como Lope de Vega, Quevedo, José de Valdivieso, Mira de Amescua, Bocangel, López Zárate, Pérez de Montalbán ou Pellicer. Por eles sábese que foi unha muller fermosa e ilustrada, amais de admirada polos seus coetáneos.
Pablo Jauralde Pol afirmou:
Ana de Castro Egas é unha dama da Corte con merecida fama de «letrada».
Xunto con Lope de Vega (quen escribiu sobre ela na súa obra El laurel de Apolo) procurou incluír mulleres nos círculos literarios e académicos. Con ela colaboraron especialmente sete mulleres, entre elas a súa sobriña Catalina del Río e as súas curmás Clara María de Castro e Ana María de Castro.
Notas
[editar | editar a fonte]- ↑ 1,0 1,1 "Ana de Castro Egas Poetisa y biógrafa del Siglo de Oro", artigo de Almudena de Arteaga en La Tribuna de Albacete, 3 de febreiro de 2013 (en castelán).
Véxase tamén
[editar | editar a fonte]Bibliografía
[editar | editar a fonte]- Jauralde Pou, P. (1999): Francisco de Quevedo (1580-1645). Nueva Biblioteca de Erudición y Crítica. Madrid: Castalia.
- Peralta Huerta, C. (): Apacible brevedad de los renglones, abreviada vida de monarcas: Ana de Castro Egas, Francisco de Quevedo y la escritura del panegírico regio. Villanova University, Pennsylvania
- Rozas, J. M. (): Lope de Vega y los escritos ciudad-realeños elogiados en el «Laurel de Apolo». Biblioteca Virtual Miguel de Cervantes.
- Sanz y Diaza, J.: Manchegos ilustres de la época de Cervantes.
- Vega, L. de (1630): Laurel de Apolo.
- Valdepeñeros ilustres: apuntes biográficos. Valdepeñas: La Voz de Valdepeñas, 1890-95.
