Anna Calemme
Anna Calemme (Napoli, 17 'e luglio 1963) è na cantante napuletana.
Biografia
[cagna | cagna surgente]Già 'int’’o 1967 Anna Calemme, ca teneva sulamente tre anne, partecipaje ô Zecchino d'oro. A 15 anne faceva 'a speaker ncoppa a na radio ca se chiammava Radio Tutta Napoli: ccà canuscétte Roberto Murolo ca lle dicétte ca si avesse pruvato a cantà 'e canzone napulitane avess'avuto sicuramente succiésso; 'int’’o stesso mumiento sentenn’’e canzone 'e Massimo Ranieri decidétte 'e fa 'a cantante.
'Int’’o 1980 cantaje a Piazza Plebiscito c’’o Papa Giovanni Paolo II e facétte pure nu spettaculo ô tiatro Sannazzaro. 'Int’’o 1994 cantaje p’’o presidente Bill Clinton, quann'isse venétte a Napule p’’o G7. Po' ll'anno appriésso e pure 'int’’o 1997 cantaje cu nu gruósso perzunaggio: Austin Forte, 'a "tromba d'oro italiana".
'Int’’o 1998 nata vota dint’’o tiatro ha fatto nu spettaculo ca se chiammava Napoli poesia e musica. 'Int’’o 2000 è ghiuta ô Festival 'e Sanremo, e 'o stess'anno ha cantato 'O surdato nnammurato e Magicamente Napoli a 'o Festival 'e Napule nncopp a Rete 4.
'O 2001 pe' "Annarella" è stato n'anno furtunato pecchè ascétte 'o primmmo CD suoje ca se chiamma Napoli infiniti amori e chill'anno stesso ha cantato in America cómme guest star a 'o Concerto di primavera, nziéme a Mario e Francesco Merola, Little Tony e Mino Reitano, ca se facétte dint'a nu grand casino, ad Atlantic City. Ccà cantaje 'a canzona Me puo' sunnà scritta pe' Roberto Murolo.
'Sta cantante è assaje tifosa d’’a squadra suoja, 'o Napule, perciò 'int’’o 2002 ha scritto na canzona ntitulata Napule nn'funno 'o core ca è stata 'a sigla d’’a trasmissiona televisiva Tifosi Napoletani ca essa stessa appresentava ncopp'a Tele A.
'Int’’o 2002 "Annarella" vincétte 'o Festival 'e Napule c’’a canzona Vorrei, e 'sto succiésso ll'ha purtata in tournée a cantà pe' tutta ll'Europa pe' doje anne. 'Int’’o 2004 ha fatto na turnée'’’e canzone napulitane a Tokyo in Giappone, e 'int’’o 2005 ha vinciuto 'o Premio internazionale Fontane di Roma.
'O lavoro sujo
[cagna | cagna surgente]Anna Calemme ha registrato doje CD e doje singole cu Bruno Illiano, 'o stesso arrangiatore 'e Pino Daniele.
- Napoli infiniti amori
- Na' maschera
- San Gregorio Armeno
- Napule 'nnfunno 'o core
'Int’’o sociale
[cagna | cagna surgente]- 'Int’’o 2004 ll'arcivescuvo 'e Gorè in Africa, Mons. Rosario Pio Ramolo l'ha nnummenata Testimonial internazionale dei bambini poveri del Ciad, p’’e quale trova 'e sorde pe' fa 'e scole e ll'ospedale.
- 'Int’’o 2007 ha fatto nu prugetto pe' Napule e p’’e guagliune 'e Scampia, Periferie in Festa pe' purtà 'a cultura e pe' levà 'a delinquenza 'int’’e zone cchiù povere d’’a città.