Antigonide
.jpg?lang=als)
(linggs: dr Chopf vom Herakles; rächts: dr Zeus mit eme Adler in dr Hand, nääbedraa s Monogramm ΒΑΣΙΛΕΩΣ ΑΝΤΙΓΟΝΟΥ (basileos Antigonou))
As Antigonide wärde d Noochfaare vom Diadoch Antigonos I. Monophthalmos bezäichnet, wo vo 294 v. d. Z, (mit ere Underbrächig vo 287 bis 276) über Makedonie und Däil vo Griecheland gherrscht häi. Dr Antigonos I. het e churzlääbigs Groossriich ufbaut, wo si Soon Demetrios I. Poliorketes noch dr Schlacht vo Ipsos wider verloore het. Aber si Änkel Antigonos II. Gonatas het dr Droon vo Makedonie für sich und sini Noochfolger chönne sichere. Under em Philipp V. het Makedonie um 200 v. d. Z. d Hegemonii über groossi Däil vo Griecheland ghaa, het sich aber mit meerere Chläistaate müesse usenandersetze. Dorum het s Römische Riich chönne iigrife, was schweeri Folge ghaa het. 168 v. d. Z. het dr Köönig Perseus vo Makedonie d Schlacht vo Pydna gege d Römer verloore und d Antigonideherrschaft isch ume gsi.
D Antigonide häi d Hegemonii über Griecheland und (wenn mööglig) über Däil vo dr Egeis welle. Makedonie het woorschinlig die besti Armee vo alle Diadocheriich gha, isch aber nid stark gnueg gsi für sini hooch gsteckte Ziil. S Bündnis vom Philipp V. mit em Hannibal (215 v. d. Z.) het d Römer zu Find vo Makedonie gmacht und die häi sich am Aafang vom 2. Joorhundert v. d. Z. im östlige Middelmeerrum as Protektoratsmacht iigrichdet.
Herrscher
[ändere | Quälltäxt bearbeite]Köönig in Asie:
- 306–301 Antigonos I. Monophthalmos
Köönig vo Makedonie:
- 294–287 Demetrios I. Poliorketes
- 276–239 Antigonos II. Gonatas
- 239–229 Demetrios II. Aitolikos
- 229–221 Antigonos III. Doson
- 221–179 Philipp V.
- 179–168 Perseus
Köönig vo Kyrene:
- 250–248 Demetrios dr Schöön
Stadtgründige
[ändere | Quälltäxt bearbeite]- Alli Datum si vor dr Zitwändi
| Naame | Gründer | Gründigsdatum | Laag | Notiz |
| Antigoneia Troas | Antigonos I. Monophthalmos | woorschinlig 310 | Provinz Çanakkale, Türkei | noch 301 het em dr Lysimachos dr Naame Alexandria Troas gee |
| Antigoneia am Askanios | Antigonos I. Monophthalmos | ? | Provinz Bursa, Türkei | noch 301 het em dr Lysimachos dr Naame Nikeia gee, hüte İznik |
| Antigoneia am Orontes | Antigonos I. Monophthalmos | 307 | Provinz Hatay, Türkei | noch 301 het em dr Seleukos dr Naame Antiocheia gee, hüte Antakya |
| Demetrias | Demetrios I. Poliorketes | 303 | Regionalbezirk Korinthia, Griecheland | Nöigründig vo Sikyon, spöötistens noch 287 het s wider dr Naame Sikyon überchoo |
| Demetrias | Demetrios I. Poliorketes | 294 | Regionalbezirk Magnisia, Griecheland | |
| Perseis | Philipp V. | um 168 | Region Vardar, Mazedonie |
Litratuur
[ändere | Quälltäxt bearbeite]- Graham Shipley: The Greek World After Alexander, 323–30 BC, London und New York 2000.
- Frank W. Walba: A History of Macedonia, Bd. 3, Oxford 1988, S. 95 ff.
Lueg au
[ändere | Quälltäxt bearbeite]
|
Dä Artikel basiert uff ere fräie Übersetzig vum Artikel „Antigoniden“ vu de dütsche Wikipedia. E Liste vu de Autore un Versione isch do z finde. |